பஸ்சில், நாளைக்கு ஒரு கட்டணம் வசூலிப்பதாக பயணிகள் குற்றம் சாட்டியுள்ளனர்

by **நேசமுடன் ஹாசிம்** Wed 14 Dec 2011 - 7:36

கோயம்பேடு மார்க்கெட்டில் இருந்து திருவல்லிக்கேணி செல்லும் பஸ்சில், நாளைக்கு ஒரு கட்டணம் வசூலிப்பதாக பயணிகள் குற்றம் சாட்டியுள்ளனர்.
பஸ் கட்டணம் உயர்த்தப்பட்டுள்ளது. சில பஸ்களில் ஒரு நாளைக்கு ஒரு கட்டணம் வசூலிப்பதாக பயணிகள் குற்றம் சாட்டியுள்ளனர். குறிப்பாக, சி.எம்.பி.டி., முதல் திருவல்லிக்கேணி வரை செல்லும் தடம் எண் M27எ பஸ்சில், என்.எஸ்.கே., நகரில் இருந்து ஆயிரம் விளக்கு செல்ல ஒரு நாளைக்கு ஒரு கட்டணம் வசூலிக்கப்படுகிறது.ஒரு நாள் எட்டு ரூபாய், அடுத்த நாள் ஒன்பது ரூபாய், அதற்கு அடுத்த நாள் பத்து ரூபாய் என மாறி மாறி கட்டணம் வசூலிக்கப்படுவதாக பயணிகள் தெரிவித்தனர். இதனால், நிரந்தர கட்டணம் எவ்வளவு என்று தெரியாமல் பயணிகள் குழம்பி போயுள்ளனர். இதற்கு முன், இந்த பஸ்சில் என்.எஸ்.கே., நகரில் இருந்து ஆயிரம் விளக்கு செல்ல நான்கு ரூபாய் வசூலிக்கப்பட்டது என்பது குறிப்பிடத்தக்கது.எனவே, ஒரே கட்டணம் வசூலிக்கவும், கட்டணம் குறித்த விவரங்களை பஸ்சில் ஒட்டவும் மாநகர போக்குவரத்து கழக அதிகாரிகள் நடவடிக்கை எடுக்க வேண்டும்.