ஹாலிவுட் நடிகை எலிசபெத் டெய்லரின் நகைகள் ஏலம்

by **நண்பன்** Wed 14 Dec 2011 - 12:14

பிரபல ஹாலிவுட் நடிகை எலிசபெத் டெய்லர். இவர் தனது 79-வது வயதில்
அமெரிக்காவில் உள்ள லாஸ் ஏஞ்சல்ஸ் நகரில் மரணம் அடைந்தார். இவர் உடைகள்
மற்றும் நகைகள் அணிவதில் ஆர்வம் மிக்கவர்.

எனவே,
இவர் விதவிதமான நகைகள் மற்றும் ஆடைகளை சேகரித்து வைத்திருந்தார். அவை
நியூயார்க்கில் உள்ள கிறிஸ்டிஸ் அமெரிக்காஸ் என்ற ஏல மையத்தில் வைத்து ஏலம்
விடப்பட உள்ளது.

அதற்காக எலிசபெத் டெய்லரின் 400
ஆடைகள், 269 விதமான நகைகள் மற்றும் அவர் வாங்கிய விருதுகள் பொதுமக்கள்
பார்வைக்கு வைக்கப்பட்டுள்ளது. அவற்றில் அவரது நண்பர் மறைந்த பாப் பாடகர்
மைக்கேல் ஜாக்சன் பரிசாக வழங்கிய வைரம் மற்றும் நீலக்கல்லால் ஆன மோதிரமும்
அடக்கம்.

அந்த மோதிரத்தை ஏலத்தில் எடுக்க ஏற்கனவே
ஒருவர் 3 கோடி ரூபாயை அட்வான்ஸ் ஆக வழங்கி உள்ளார். ஏலம் 4 நாட்கள் நடைபெற
உள்ளது. நகைகள் மற்றும் உடைகள் மொத்தம் ரூ.150 கோடிக்கு ஏலம் போகும் என
எதிர்பார்க்கப்படுகிறது.

இது குறித்து ஏல
மையத்தின் தலைவர் மார்க் போர்டர் கூறும்போது, இவை அனைத்தும் நடிகை எலிசபெத்
டெய்லர் தனிப்பட்ட முறையில் தேர்வு செய்த நகைகளாகும். 50 வருடத்துக்கு
முந்தைய பேஷனாகும். அவற்றை அவர் மிகவும் விரும்பி தேர்வு செய்து சேகரித்து
வைத்து இருந்தார் என்று தெரிவித்தார்.

ஏலத்தில்
விடுவதற்காக கடந்த 3 மாதத்துக்கு முன்பே இவை பொதுமக்கள் பார்வைக்கு
வைக்கப்பட்டுள்ளது. இதற்கு முன்பு இவரது வைர பிரேஸ்லெட் ரூ.1 கோடிக்கு ஏலம்
போனது குறிப்பிடத்தக்கது.