பட்ஜெட் விலையில் 20 போன்கள்

மொபைல் போன் வாங்க வேண்டும் என்று முடிவு செய்தவுடன் நம்மை செயல்படவிடாமல் தடுக்கும் ஒரு சங்கதி நம் பட்ஜெட் தான். ஒவ்வொருவருக்கும் ஒரு பட்ஜெட் இருக்கும். அதிக விலை போன் வைத்திருப்பவர் உபரியாக மிக மிகக் குறைந்த விலை போனை நாடுவார். தங்களிடம் பணியாற்றும் வேலைக்காரர்களிடம் தொடர்பு கொள்ள குறைந்த விலையில் அதே நேரம் ஒரு சில கூடுதல் வசதிகளுடன் கூடிய போனை சிலர் விரும்புவார்கள். மொபைல் மார்க்கட்டில் அலசியபோது பல்வேறு விலைகளில் அதே நேரத்தில் ஓரளவிற்குக் கூடுதலான வசதிகளுடன் கூடிய போன்களைப் பார்க்க நேர்ந்தது. அவற்றை இங்கு பட்டியலிடுகிறோம். இந்த போன்களின் விலையில் முன்னே பின்னே சற்று வித்தியாசம் இருக்கலாம். உங்களின் சாமர்த்தியத்தைப் பொறுத்து பேரம் செய்து வாங்குங்கள்.

1. ரூ. 1000: மோட்டாரோலா எப்3; பார்த்ததிலேயே மிகவும் விலை மலிவான போன். வண்ணத்திரை, ரேடியோ, எம்பி3 பிளேயர், புளுடூத் என எதுவும் இல்லை. ஆனால் வெகுநேரம் சக்தி தரும் 800 எம் ஏ எச்பேட்டரி இதன் தனி சிறப்பு.

2. ரூ.1,400: நோக்கியா 1110ஐ: நோக்கியாவின் போன்களில் புகழ் பெற்றது. கருப்பு வெள்ளை திரை கொண்ட இந்த போனில் 200 முகவரிகளைப் போட்டு வைக்கலாம். ஸ்பீக்கர் உள்ளதால் கையில் எடுக்காமல் பேசலாம். நல்ல பேட்டரியும் உண்டு. எடை 80 கிராம்.

3. ரூ.1,900: மோட்டாரோலா டபிள்யூ 209: 200 முகவரிகளைக் கொள்ளக் கூடிய போன் புக் இதன் தனிச் சிறப்பு. வண்ணத் திரை மற்றும் எப்.எம். ரேடியோவுடன் நெடு நேரம் இயங்கும் பேட்டரி கொண்டது.






4. ரூ. 1,949: சாம்சங் குரு 100: அண்மைக் காலத்தில் வந்த பட்ஜெட் போன்.வண்ணத்திரையுடன் மொபைல் தொலைந்து போனால் தேடக் கூடிய சாப்ட்வேர், எம்பி3 ரிங்டோன், 1000 எம்.ஏ.எச். பேட்டரி என்ற சிறப்புகளுடன் கூடிய போன்.

5. ரூ.2,200: நோக்கியா 1650: ஸ்லிம்மான போன். வண்ணத்திரை, எப்.எம்.ரேடியோ, ஐந்து தனித்தனி போன் புக் கொண்டது. இந்த விலையில் 1020 எம்.ஏ.எச். பேட்டரி இதில் உள்ளது இதன் தனிச் சிறப்பு.

6. ரூ. 2,500: மோட்டாரோலா டபிள்யூ 220: இந்த விலையில் மிகவும் ஸ்டைலான பிளிப் போன். ஜிபிஆர் எஸ் இணைப்பும் எப்.எம் ரேடியோவும் கொண்டது. வண்ணத்திரையும் நெடு நேரம் செயல்படும் பேட்டரியும் கொண்டது.

7. ரூ. 3,850: நோக்கியா 6080; வண்ணத்திரை, 4.3 எம்பி மெமரி, ஜி.பி.ஆர்.எஸ்., எட்ஜ், எப்.எம். ரேடியோ, விஜிஏ கேமரா, வீடியோ பிளேயர், புஷ் டு டாக் வசதி மற்றும் மியூசிக் பிளேயருடன் அசத்தும் போன்.

8. ரூ.4,400: எல்.ஜி. கே.ஜி. 195: 1.8 அங்குல வண்ணத்திரை, 64 எம்பி மெமரி, மைக்ரோ எஸ்.டி. கார்ட் ஸ்லாட், ஜிபிஆர் எஸ், புளுடூத், ஏ2டிபி, எப்.எம் ரேடியோ எம்பி3 பிளேயர், விஜிஏ கேமரா என இதுவும் அசத்துகிறது.


9. ரூ.4,400: எல்.ஜி. கே.ஜி. 200: இந்த விலைக்கு மிகச் சிறப்பான வசதிகளைக் கொண்டுள்ளது இந்த போன். பளிச் என்ற வண்ணத்திரை, 60 எம்பி மெமரியுடன் மைக்ரோ எஸ்.டி.கார்ட் ஸ்லாட், ஜி.பி.ஆர்.எஸ்., எப்.எம். ரேடியோ, எம்பி 3 பிளேயர், 1.3 எம்பி கேமரா கொண்டு சிறப்பாக இயங்குகிறது.

10. ரூ.4,600: சாம்சங் இ 250: ஸ்லிம்மான ஸ்லைடர் போனில் பல அசத்தும் அம்சங்கள் உள்ளன. வண்ணதிரை, விஜிஏ கேமரா, 1000 முகவரி கொள்ளும் கேமரா புக், ஏ2டிபி யுடன் புளுடூத், ஜிபிஆர் எஸ், எட்ஜ், எம்பி3 பிளேயர், எப்.எம். ரேடியோ, 10 எம்பி மெமரியுடன் எஸ்.டி. கார்ட் ஸ்லாட் ஆகிய அனைத்தும் உள்ளது.

11. ரூ. 4,900: சோனி எரிக்சன் டபிள்யூ 200 ஐ: மிக அருமையான வண்ணத்திரை, விஜிஏ கேமரா, 27 எம்பி மெமரி, ஜி.பி.ஆர்.எஸ்., மதுரமான இசை தரும் எம்பி 3 பிளேயர், ஸ்டீரியோ எப்.எம்.ரேடியோ வுடன் 85 கிராம் எடையில் இது ஒரு அருமையான போன்.



12. ரூ.5,400: சோனி எரிக்சன் இஸட் 550 ஐ. மடக்கி விரிக்கும் வகையில் அமைந்த இந்த போனில் உள்ளாக வண்ணத்திரையும் வெளியாக கருப்பு வெள்ளையில் சிறிய டிஸ்பிளே திரையும் உள்ளன. 20 எம்பி மெமரி, கார்ட் ஸ்லாட், 1.3 எம்பி கேமரா, ஜி.பி.ஆர்.எஸ்., புளுடூத், எப்.எம். ஸ்டீரியோ ரேடியோ, எம்பி3 பிளேயர் மற்றும் புஷ் டு டாக் வசதியுடன் இந்த போன் வடிவமைக்கப்பட்டுள்ளது.

3. ரூ. 5,400 ஸ்பைஸ் எஸ் 700: டி.எப்.டி. டிஸ்பிளேயுடன் கூடிய வண்ணத் திரை, விஜிஏ கேமரா, 64 எம்பி மெமரி மற்றும் எஸ்.டி. கார்ட்ஸ்லாட், ஜி.பி.ஆர்.எஸ்., புளுடூத், எம்பி3 பிளேயர், எப்.எம். ரேடியோ எனப் பல வசதிகளுடன் நல்ல பேட்டரியும் கொண்டது.

14. ரூ.5,700: நோக்கியா 3500 கிளாசிக்: 1.8 அங்குல அகல வண்ணத்திரை, புளுடூத், ஜி.பி.ஆர்.எஸ்., எட்ஜ். எப்.எம். ரேடியோ, எம்பி3 பிளேயர், 2 எம்பி கேமரா ஆகிய வசதிகளுடன் ஈடு கொடுக்கும் பேட்டரியும் கொண்டது.

15. ரூ.6,300: பென் க்யூ இ.எப்.51: சிறிய வெள்ளைபூவாய் வடிவமைக்கப்பட்ட இந்த போனில் முன்னால் பிளிப் செய்து திறந்து கீ போர்டை இயக்கலாம். பளிச் என்றவண்ணத்திரை, 20 எம்பி மெமரி, எஸ்.டி.கார்ட் ஸ்லாட், ஜி.பி.ஆர்.எஸ்.,ஏ2டிபி யுடன் புளுடூத், எம்பி3 பிளேயர், 1.3.எம்பி கேமரா, திறனுடன் கூடிய பேட்டரி எனப் பல வசதிகள் உள்ளது.



16. ரூ. 6,800: எல்.ஜி. கே.இ.770 ஷைன்: பெண்கள் விரும்பும் தோற்றம் கொண்ட இந்த எல்.ஜி. போன் பளிச் என்ற வண்ணத்திரையுடன் மெட்டல் பாடி கொண்டு வடிவமைக்கப்பட்டது. ஏ2டிபி யுடன் புளுடூத், ஜிபிஆர் எஸ், எட்ஜ், எம்பி3 பிளேயர், 2 எம்.பி. கேமரா ஆகிய வசதிகளுடன் ஈடு கொடுக்கும் பேட்டரியும் கொண்டது.
17. ரூ. 7,000: நோக்கியா 6233: எளிமையான தோற்றம் கொண்ட இந்த போனில் 2 எம்.பி.கேமரா உள்ளது. வீடியோ ரெகார்ட் செய்து ரசிக்கலாம். புளுடூத், ஜி.பி.ஆர்.எஸ்., எட்ஜ் தொழில் நுட்பத்துடன் 3 ஜி தொழில் நுட்பமும் கொண்டது.





18. ரூ. 7,100: நோக்கியா 6300: அருமையான ஸ்லிம்மான போன் தான் வேண்டும் என்றால் கண்ணை மூடிக் கொண்டு இதனை வாங்குங்கள். மிக அருமையான வண்ணத்திரை, புளுடூத், 7.8 எம்பி மெமரி மற்றும் எஸ்.டி. கார்ட்ஸ்லாட், ஜி.பி.ஆர்.எஸ்., எட்ஜ் மற்றும் 2 எம்பி கேமரா என வசதிகளுக்குக் குறைவில்லாதது.
19. ரூ.7,700: சோனி எரிக்சன் கே 750 ஐ: இந்நிறுவனத்தின் போன்களில் அதிக நேயர்களைக் கொண்ட போன். மிகவும் ஸ்டைலான தோற்றம், 2 எம்.பி.கேமரா, 38 எம்பி மெமரி மற்றும் எஸ்.டி.கார்ட் ஸ்லாட், ஜி.பி.ஆர்..எஸ். புளுடூத், எம்பி3 பிளேயர், எப்.எம். ரேடியோ மற்றும் சிறப்பான பேட்டரி எனப் பல சிறப்புகளைக் கொண்டது.



20. ரூ. 7,999: பிளை எஸ்.எக்ஸ். 210: இந்த விலையில் கூடுதலான உயர் ரக வசதிகளுடன் கூடிய போன். இது ஒரு ஸ்லைடர் போன். அழகான டச் ஸ்கிரீன் கொண்டது. 2 எம்பி கேமரா, ஏ2டிபியுடன் கூடிய புளுடூத், டிவிக்கான இணைப்பு சாக்கெட், எப்.எம். ரேடியோ, 25 எம்பி மெமரி, மைக்ரோ எஸ்.டி. கார்ட் ஸ்லாட், கம்ப்யூட்டருடன் இணைத்தால் வெப்கேமராவாகப் பயன்படுத்தும் வசதி என நிறைந்த அம்சங்களுடன் கூடிய போன்.

இதில் டீவி வருமா சரண்யா?

நண்பன் wrote:இதில் டீவி வருமா சரண்யா?

வாங்கிப் பாருங்க நண்பன் வருதான்னு பார்ப்பம். :)

நண்பன் wrote:இதில் டீவி வருமா சரண்யா?

பாஸ் டீவி வராது பார்க்க முடியும் என்று நினைக்கிறேன்.

*ரசிகன் wrote:

நண்பன் wrote:இதில் டீவி வருமா சரண்யா?

பாஸ் டீவி வராது பார்க்க முடியும் என்று நினைக்கிறேன்.

@. @.