யுனெஸ்கோ தலைமையகத்தில் பலஸ்தீன கொடி ஏற்றம்

by *சம்ஸ் Thu 15 Dec 2011 - 6:00

பிரான்ஸ் தலைநகர் பரிஸில் அமைந்துள்ள யுனெஸ்கோ தலைமையகத்தில் நிரந்தரமான இடமொன்றில் பலஸ்தீன தேசியக் கொடி ஏற்றப்பட்டது.

ஐ.நா.வின் கல்வி, விஞ்ஞானம் மற்றும் கலாசார அமைப்பான யுனெஸ்கோவில் கடந்த ஒக்டோபர் மாதம் அமெரிக்கா இஸ்ரேலின் எதிர்ப்புக்கு மத்தியில் பலஸ்தீனுக்கு நிரந்தர அங்கத்துவம் கிடைத்தது. இதனைத் தொடர்ந்து யுனெஸ்கோ நிரந்தர அங்கத்துவத்திற்கான பலஸ்தீன தேசிய கொடி ஏற்றும் வைபவம் நேற்று முன்தினம் கடும் மழைக்கு மத்தியில் நடைபெற்றது.

இதில் பலஸ்தீன ஜனாதிபதி மஹ்மூத் அப்பாசும் பங்கேற்றார். இதன்போது வரலாற்று முக்கியத்துவம் வாய்ந்த நிகழ்வு என குறிப்பிட்ட மஹ்மூத் அப்பாஸ் பலஸ்தீனம் ஏனைய அமைப்புகளிலும் அங்கத்துவம் பெறுவதற்கு இது சிறந்த ஆரம்பமாகும் எனவும் அவர் குறிப்பிட்டார்.

ஏற்கனவே பலஸ்தீன் ஐ.நா. அங்கத்துவத்திற்காக விண்ணப்பித்துள்ளது. இது தொடர்பான வாக்கெடுப்பு ஐ.நா. பாதுகாப்புச் சபையில் இடம்பெற வுள்ளமை குறிப்பிடத்தக்கது.