மூன்று முக்கிய மசோதாக்களுக்கு ஒப்புதல்; ஹசாரே நெருக்கடியால் மத்திய அரசு முடிவு

ஊழலுக்கு எதிராக நடவடிக்கை எடுக்க வகை செய்யும், நீதித் துறை நம்பகத் தன்மை மசோதா உள்ளிட்ட மூன்று முக்கிய மசோதாக்களுக்கு, மத்திய அமைச்சரவை நேற்று முன்தினம் ஒப்புதல் அளித்தது. “ஊழலுக்கு எதிராக கடுமையான விதிமுறைகளுடன் கூடிய, லோக்பால் சட்டமூலத்தை நிறைவேற்ற வேண்டும்” என காந்தியவாதி அன்னா ஹசாரே போராட்டம் நடத்தி வருகிறார். பாராளுமன்ற நிலைக் குழு சமீபத்தில் தாக்கல் செய்த, லோக்பால் வரைவு அறிக்கையில், தாங்கள் வலியுறுத்தும் விடயங்கள் இடம்பெறவில்லை என்பதால், வரும் 27ம் திகதி முதல், காலவரையற்ற உண்ணாவிரதம் மேற்கொள்ளப் போவதாகவும், ஹசாரே அறிவித்துள்ளார். இதனால் நெருக்கடியில் சிக்கியுள்ள மத்திய அரசு, லோக்பால் சட்டமூலம் தொடர்பாக, ஹசாரேவுக்கு ஏற்கனவே அளித்த, சில உறுதிமொழிகளை நிறைவேற்றும் முயற்சியில் இறங்கியுள்ளது. இதன் ஒரு பகுதியாக, காங்கிரஸ் உயர்மட்டக் குழு கூட்டம் நேற்று முன்தினம் நடந்தது. இதில் லோக்பால் சட்டமூலம் விவகாரம் குறித்து விவாதிக்கப்பட்டது.

அமைச்சரவை கூட்டம்

இதைத் தொடர்ந்து மாலையில் மத்திய அமைச்சரவை கூட்டம் நடந்தது. இதில் ஹசாரேவுக்கு ஏற்கனவே அளித்திருந்த உறுதிமொழி யின்படி, நீதித்துறை நம்பகத்தன்மை சட்ட மூலம், மக்கள் குடியு ரிமை சாசன சட்ட மூலம், ஊழலுக்கு எதிராக தகவல் தருவோரை பாதுகாக்கும் சட்டமூலம் ஆகிய மூன்று மசோ தாக்களுக்கு அமைச்சரவை ஒப்புதல் அளித்தது. இதன் படி மூத்த நீதிபதிகள் நீதித்துறை நம்பகத்தன்மை மசோதா வரம்பிற்குள் கொண்டு வரப்படுவர். மக்கள் சாசன மசோதாவின்படி, மக்களுக்கான சேவைகளை, எந்த காலக்கெடுவுக்குள் செய்து முடிக்க வேண்டும் என்பதையும், அவ்வாறு செய்து கொடுக்காத அதிகாரிகளுக்கு அபராதம் விதிப்பது குறித்து, அரசு அலுவலகங்களில் அறிவிப்பு வெளியிடப்படும். இதன் மூலம், லோக்பால் சட்டமூலம் விவகாரத்தில், கடந்த திங்கட்கிழமை வரை பிடிவாதமாக இருந்த மத்திய அரசு, எதிர்க் கட்சிகளின் எதிர்ப்பு, ஹசாரேவின் போராட்டம் ஆகியவற்றின் காரணமாக தற்போது இறங்கி வந்துள்ளது.

உணவு மசோதா இல்லை:

உணவு பாதுகாப்பு சட்டமூலத்துக்கு நேற்றைய அமைச்சரவை கூட்டத்தில் ஒப்புதல், அளிக்கப்படவில்லை. ஐக்கிய முற்போக்கு கூட்டணியில் அங்கம் வசிக்கும் சில கட்சிகளுக்கு, இந்த சட்டமூலம் விவகாரத்தில் கருத்து வேறுபாடு எழுந்துள்ளதையடுத்து, இது தொடர்பாக முடிவு எடுப்பது அடுத்த வாரத்துக்கு தள்ளி வைக்கப்பட்டுள்ளது.

ராஜ்ய சபாவில் நிதியமைச்சர் பிரணாப் முகர்ஜி

கொள்கைகளை அமுல்படுத்த முடியாமல் மத்திய அரசு முடங்கி விட்டது என்ற வாதம் தவறானது. மாறாக அரசியல் கட்சிகள் பாராளுமன்ற நடவடிக்கைகளில் பங்கேற்று பொருளாதாரத்தில் வளம் ஏற்பட நம்பிக்கை ஏற்படுத்த வேண்டும். தற்போது ஏற்பட்ட பொருளாதாரத்தில் தேக்கத்தில் இருந்து மீண்டு வரும் சக்தி உள்ளது.

முதலில் ஹசாரே காந்தியவாதி என்பதை நிருத்த வேண்டும் .இவர் ஒரு மதவாதி பஜ்ரங்தள் என்ற இந்துத்துவா அமைப்பின் துணை செயலாளர்களில் ஒருவர் இப்போது இவர் நடத்தும் நாடகம் பலகீனமான பி ஜே பி யை காங்கிரஸை பலகீனபடுத்தி உயர்த்த .காந்தி ஒருபோதும் மதவாதியாக இருந்தது இல்லை.