தாமரைத் தடாகம் கலையரங்கு இன்று மாலை திறப்பு

இலங்கை-சீன நட்புற வின் ஞாப கார்த்தமாக கொழும்பில் கட்டப்பட்டுள்ள ‘தாமரை தடாகம்’ மஹிந்த ராஜபக்ஷ கலையரங்கு இன்று 15ஆம் திகதி மாலை வைபவரீதியாகத் திறந்துவைக்கப் படவுள்ளது.

ஜனாதிபதி மஹிந்த ராஜபக்ஷ அவர்களும், சீனாவின் பிரதிப் பிரதம ரும் திறப்பு விழாவில் கலந்துகொண்டு உத்தியோகபூர்வமாக கலையரங்கைத் திறந்துவைக்கவுள்ளனர். சுமார் 300 கோடி ரூபா செலவில் கட்டிமுடிக்கப்பட்ட இக்கலையரங்கம் திறந்துவைக்கப்படுவதை முன்னிட்டு ஹோர்டன் பிளேஸ் முதல் பொது நூலகம் வரையிலான வீதிக்கு ‘தாமரை தடாகம்’ வீதி (நெலும் பொக்குன) எனப் பெயரிடப்படுகிறது.

1288 ஆசனங்களைக் கொண்ட இந்தக் கலையரங்கம், நவீன தொழில்நுட்பங்களைப் பயன்படுத்தி உருவாக்கப்பட்டுள்ளது. நவீன முறையில் மாற்றங்கள் செய்யக் கூடிய மேடை, நவீன தொழில்நுட்பத்திலான ஒலி மற்றும் ஒளி அமைப்புக்கள் செய்யப்பட்டுள்ளது.

ஐந்து மாடிகளைக் கொண்ட இந்தக் கலையரங்கம் 21,760 சதுர மீட்டர் பரப்பளவைக் கொண்டுள்ளது. 13 உடைகள் மாற்றும் அறைகள், சிற்றுண்டிச்சாலை, 306 வாகனங்கள் நிறுத்தக்கூடிய வாகனத் தரிப்பிட வசதி எனப் பல்வேறு வசதிகளைக் கொண்டதாக இந்தக் கலையரங்கம் அமைக்கப்பட்டு ள்ளது. 5வது மாடியில் 350 பேரை உள்ளடக்கக் கூடிய திறந்தவெளி அரங்கொன்றும் காணப்படுகிறது.