கூடங்குளம் மின் உற்பத்தியி;ல் 50மூ தமிழகத்துக்கு!

by *சம்ஸ் Mon 19 Dec 2011 - 6:36

கூடங்குளம் அணு மின் நிலையத்தில் முதற் கட்டமாக இரண்டு உலைகள் இயங்கத் தொடங்கும்போது அதிலிருந்து 50 சதவீத மின்சாரம் தமிழகத்துக்கு வழங்கப்படும் என்று பிரதமர் மன்மோகன் சிங் கூறினார். மூன்று நாள் ரஷ்ய பயணத்துக்குப் பின்னர் மொஸ்கோவில் இருந்து சனிக்கிழமை இரவு டில்லி திரும்பிய அவர், விமானத்தில் செய்தியாளர்களுக்குப் பேட்டியளித்தார்.

கூடங்குளம் அணுமின் நிலையத்துக்காக கடந்த 10 ஆண்டுகளில் ரூ. 14 ஆயிரம் கோடி செலவிடப்பட்டுள்ளது. அந்த அணுமின் நிலையத்தை இயக்காமல் அப்படியே கிடப்பில் போட முடியாது. கூடங்குளம் பகுதி மக்களில் சிலர், அணுமின் நிலையத்தின் பாதுகாப்பு குறித்து கேள்வி எழுப்பியுள்ளனர்.

அங்கு அமைக்கப்பட்டிருக்கும் அணு உலைகள் உலகிலேயே மிகவும் பாதுகாப்பானவை என்பதை எடுத்துரைத்து அவர்களின் அச்சத்தைப் போக்க அனைத்து நடவடிக்கைகளும் எடுக்கப்படும்.

இப்பிரச்சினை தொடர்பாக மத்திய அரசு சார்பில் 15 நிபுணர்கள் அடங்கிய குழு நியமிக்கப்பட்டுள்ளது. இக்குழுவினர் தமிழக அரசு பிரதிநிதிகளுடனும், கூடங்குளம் பகுதி மக்களுடனும் தொடர்ந்து போச்சுவார்த்தை நடத்தி வருகின்றனர். வெகு விரைவில் பிரச்சினைக்கு சுமுகத் தீர்வு காணப்படும் என நம்புகிறேன் என்று மன்மோகன் சிங் தெரிவித்தார்.

தமிழகத்துக்கு 1,000 மெகாவாட், “கேரளம், ஆந்திரம், கர்நாடகம் போன்ற மாநிலங்கள் அணு மின் நிலையம் அமைக்க முன்வராதபோது பாதிப்பு ஏற்பட்டாலும் பரவாயில்லை என்று துணிந்து கூடங்குளத்தில் அணு மின் நிலையம் அமைய ஒப்புக்கொண்டதால் தமிழகத்துக்கு என்ன சிறப்பான பயன் கிடைக்கிறது” என்ற கேள்விக்கும் பிரதமர் பதில் அளித்தார்.

கூடங்குளத்தில் முதற் கட்டமாக இரு அணு உலைகள் செயல்படத் தொடங்கும் போது 2,000 மெகாவொட் மின்சாரம் உற்பத்தி செய்யப்படும். இதில் 1,000 மெகவொட் மின்சாரம் தமிழகத்துக்கு வழங்கப்படும். மீதமுள்ள 1,000 மெகாவொட் மின்சாரம் மத்திய மின்தொகுப்புக்கு எடுத்துக் கொள்ளப்பட்டு ஏனைய மாநிலங்களுக்குத் தேவைக் கேற்றாற் போல் பகிர்ந்தளிக்கப்படும் என்று அவர் கூறினார்.

“மத்திய தொகுப்பில் இருந்து தமிழகத்துக்கு கூடுதல் மின்சாரம் வழங்குமாறு தமிழக முதல்வர் ஜெயலலிதா கடிதம் எழுதியும் மத்திய அரசு செவி சாய்க்காதது ஏன் என்கிற கேள்விக்கு முதல்வரின் கோரிக்கையை மத்திய மின் துறை பரிசீலித்து உடனடியாக 100 கெமாவொட் மின்சாரத்தை வழங்க முடிவெடுத்திருக்கிறது. மேலும் தமிழகத்தின் மின் பற்றாக்குறையைப் போக்க நடவடிக்கைகள் எடுக்கப்படும்” என்றார்.

முல்லைப் பெரியாறு விவகாரம்: முல்லைப் பெரியாறு அணை விவகாரத்தில் தமிழக, கேரள அரசுகள் இணைந்து சுமுகத் தீர்வு காண மத்திய அரசு மேற்கொண்ட முயற்சிகள் என்ன காரணத்தாலோ பலனளிக்கவில்லை. எனினும் எனது முயற்சியைக் கைவிட்டுவிட மாட்டேன்.

பிரச்சினைக்கு விரைவில் சுமுகத் தீர்வு காணத் தொடர்ந்து முயற்சிகள் மேற்கொள்வேன்.

இந்த விவாகரத்தில் இரு மாநில முதல்வர்களும் ஒன்றாக அமர்ந்து பேசும் போது திருப்திகரமான முடிவு எட்டப்பட்டுவிடும் என்று நம்புகிறேன். முல்லைப் பெரியாறு விவகாரத்தில் முன்னின்று செயல்பட பிரதமர்தான் பொருத்தமான நபர் என்று உச்ச நீதிமன்றம் கூறியுள்ள கருத்துக்கு மதிப்பளிக்கிறேன்.

தமிழ் நாடு, கேரளம் இரண்டுமே மத்திய அரசுக்கு மிகவும் முக்கியமானவை. இரு மாநிலங்களுக்கும் இடையே பிரச்சினை எழும்போது பேச்சுவார்த்தை மூலம் மட்டுமே தீர்வு காண முடியும்.

by **jasmin** Mon 19 Dec 2011 - 14:52

பிரதமரின் பதில் எனக்கு திருப்தியளிக்கவில்லை

கூடங்குளம் மின் உற்பத்தியி;ல் 50மூ தமிழகத்துக்கு!

கூடங்குளம் மின் உற்பத்தியி;ல் 50மூ தமிழகத்துக்கு!

Re: கூடங்குளம் மின் உற்பத்தியி;ல் 50மூ தமிழகத்துக்கு!