காதலுக்காக, போலீஸ் டி.ஜி.பி., அலுவலகத்தில் தஞ்சம் புகுந்த, போலீஸ் டி.எஸ்.பி.,யின் மகள்

போலீஸ் டி.எஸ்.பி.,யின் மகள், ஐந்தாம் வகுப்பு மட்டுமே படித்த காதலனை திருமணம் செய்து கொண்டு போலீஸ் டி.ஜி.பி., அலுவலகத்தில் தஞ்சம் புகுந்தார்.
விருதுநகரைச் சேர்ந்த பெண் டி.எஸ்.பி., ஒருவரின் மகள் சுந்தரேஸ்வரி; 19. இவர் மதுரையில் தனியார் கல்லூரி ஒன்றில், பி.டெக்., படித்து வருகிறார். வீட்டை விட்டு காதலனுடன் வெளியேறிய இவர், போலீஸ் டி.ஜி.பி., அலுவலகத்தில் நேற்று தஞ்சம் புகுந்தார்.


அலுவலகத்தில் மனு கொடுத்துவிட்டு வந்த அவர் கூறியதாவது: என் அம்மா விருதுநகரில் டி.எஸ்.பி.,யாக உள்ளார். அப்பா வழக்கறிஞர். நான், அதே பகுதியில் பாஸ்ட் புட் கடையில் வேலை செய்து வரும், அலெக்ஸ்பாண்டியன் என்பவரை, காதலித்து வந்தேன். காதலுக்கு பெற்றோர் தடைபோட்டனர். பிரிக்க முயன்றனர். முரண்டு பிடித்தால், கொலை செய்து விடுவோம் என மிரட்டினர். வேறு வழியின்றி, வீட்டை விட்டு வெளியேறினோம். நத்தம் முருகன் கோவிலில் திருமணம் செய்து கொண்டோம். திண்டுக்கல் செந்துறை சார்பதிவாளர் அலுவலகத்தில் பதிவுத் திருமணமும் செய்து கொண்டோம்.
ஒரே மகள் என்பதால், என் அப்பாவும், அம்மாவும் அதிகாரத்தைப் பயன்படுத்தி, எங்களை சட்ட விரோதமாக பிரிக்கவும், கவுரவத்தை மனதில் வைத்து கொலை செய்யவும் திட்டமிட்டுள்ளனர். உயிருக்கு பயந்து நாடோடியாக சுற்றித்திரிகிறோம். பாதுகாப்புக் கேட்டு சென்னை போலீஸ் கமிஷனர் அலுவலகம் சென்று, புகார் கொடுத்தோம்.

அவர்கள், டி.ஜி.பி., அலுவலகத்தில் புகார் கொடுக்கச் சொன்னதால், இங்கு புகார் கொடுத்துள்ளோம். விருதுநகர் எஸ்.பி., அலுவலகத்திற்கு தொடர்பு கொண்டு, பாதுகாப்பு கொடுக்க ஏற்பாடு செய்துள்ளனர். இவ்வாறு சுந்தரேஸ்வரி கூறினார்.

காதலன் அலெக்ஸ் பாண்டியன் கூறும்போது,"நான் ஐந்தாம் வகுப்பு மட்டுமே படித்துள்ளேன். என்னிடம் உழைப்பு உள்ளது. எங்களை நிம்மதியாய் வாழ விட்டால் போதும். ஆனால், நான் நாளை உயிரோடு இருப்பேனா என்று எனக்குத் தெரியாது. என்னை தேடி பெண் வீட்டார் அலைகின்றனர்,' என்றார்.

ஐயோ பவாம் அவர்கள் உதவ யாருமே இல்லையா :!#:

மீனு wrote:ஐயோ பவாம் அவர்கள் உதவ யாருமே இல்லையா :!#:

உங்க வீடு இருக்குறது அவங்களுக்கு தெரியாம போயிடுச்சு.. :,;: :,;:

எப்ப இருந்தாலும் பிரச்சனைதான் பேசி தீர்க்க வேண்டும்

சினிமாவில் நடப்பது போன்றே உள்ளது.