கோடீஸ்வரன்' நிகழ்ச்சியை தமிழில் நடத்துகிறார் நடிகர் சூர்யா

by **நண்பன்** Wed 21 Dec 2011 - 10:50

தமிழ் தொலைக்காட்சி ஒன்றில் கோடிஸ்வரன் நிகழ்ச்சி விரைவில் துவங்க
இருக்கிறது. இந்நிகழ்ச்சியை பிரபல நடிகரான சூர்யா தொகுத்து வழங்க
இருக்கிறார். உலகின் பல்வேறு நாடுகளில் மிகவும் பிரபலமான தொலைக்காட்சி
நிகழ்ச்சி ‘கோன் பனேகா குரோர்பதி’.

இந்த
நிகழ்ச்சியை சில ஆண்டுகளுக்கு முன்பு வடஇந்தியாவின் சூப்பர் ஸ்டார்
அமிதாப்பச்சன் ஹிந்தி தொலைக்காட்சியில் தொகுத்து வழங்கினார். அதேபோல்
தமிழிலும் ‘கோடிஸ்வரன்’ என்ற நிகழ்ச்சியை பிரபல தமிழ் தொலைக்காட்சி
நிறுவனம் நடத்தியது. இது பெரும் வரவேற்பை பெற்றது.

இதை
தொடர்ந்து வேறு ஒரு பிரபல தமிழ் தொலைக்காட்சி ‘கோடிஸ்வரன்’ நிகழ்ச்சி போல்
பிரம்மாண்ட நிகழ்ச்சி ஒன்றை வழங்க திட்டமிட்டுள்ளது. அந்த நிகழ்ச்சியை
தொகுத்து வழங்க தமிழ் சினிமாவின் முன்னணி நடிகரான சூர்யாவை தேர்வு
செய்துள்ளதாக கோடம்பாக்கத்திலிருந்து வரும் செய்திகள் தெரிவிக்கின்றன. இந்த
நிகழ்ச்சி விரைவில் ஒளிபரப்பாக உள்ளது.

முன்னதாக, இந்த நிகழ்ச்சியை நடிகர் விஜய் தொகுத்து வழங்குவார் என்று தகவல் வெளியானது குறிப்பிடத்தக்கது.