பதுங்கியிருந்த சந்தேக நபர் மீது துப்பாக்கி சூடு: மடக்கிப் பிடிப்பு

by **நேசமுடன் ஹாசிம்** Fri 23 Dec 2011 - 6:43

மூதூர் பாட்டாளிபுரத்தில் ஆசிரியை ஒருவரை கொலை செய்ததாக சந்தேகிக்கப்படும் நபர் ஒருவரை சம்பூர் பொலிஸார் மடக்கிப் பிடித்துள்ளனர்.

கடந்த மாதம் 24 ஆம் திகதி மூதூர் பாட்டாளிபுரம் அரசினர் கலவன் பாடசாலையில் ஆசிரியையாகக் கடமை புரியும் குருகுலசிங்கம் சிரிவதனி என்னும் இளம் பெண்ணொருவரை காட்டுப் பகுதியொன்றில் வைத்து படுகொலை செய்து அவரது பெறுமதியான நகைகளும் திருடப்பட்டன. இச்சம்பவத்தைத் தொட்ர்ந்து அப்பிரதேசத்தில் ஒரு விதமான பதட்ட நிலை தோன்றியிருந்தன.

உசாரடைந்த பொலிஸார் அப்பிரதேசத்திலுள்ள காட்டுப் பகுதியை சல்லடை போட்டுத் தெடுதல் நடத்தினர். இதன்போது சந்தேகத்திற்கு இடமான முறையில் ஒருவர் நடமாடுவதாக இரகசிய தகவல் கிடைத்ததும் பொலிசார் அப்பிரதேசத்தைச் சுற்றிவளைத்ததுடன் சந்தேக நபரையும் கைது செய்துள்ளனர்.

மேற்படி சுற்றிவளைப்பின்போது சந்தேக நபர் கத்தியால் பொலிஸாரைத் தாக்கிவிட்டு தப்பிக்க முற்படுகையில் பொலிஸார் அவரின் முழங்காலின் கீழ் துப்பாக்கியால் சுட்டு மடக்கிப் பிடித்தனர். இந்த துப்பாக்கி பிரயோகத்தின் போது சந்தேக நபரது இடது கையிலும் துப்பாக்கிச் சன்னம் பாய்ந்துள்ளதாக தெரிவிக்கப்படுகிறது. இதனையடுத்து சந்தேகநபர் பலத்த பாதுகாப்புடன் திருகோணமலை பொது வைத்தியசாலையின் அவசர விபத்துப் பிரிவில் அனுமதிக்கப்பட்டுள்ளார்.

பொலிஸார் மேலதிக விசாரணைகளை மேற்கொண்டு வருகின்றனர். சந்தேக நபர் பாலசிங்கம் நகுலேஸ்வரன் (வயது 38) என பொலிஸார் தெரிவித்தனர்.

சர்வதேச மனித உரிமைகள் தினத்தன்று பாட்டாளிபுரத்து மக்கள் குற்றவாளியை கைது செய்யுமாறு ஆர்ப்பாட்டமும், ஊர்வலமும் நடத்தியமை குறிப்பிடத்தக்கது.