திருடர்களில் இப்போது நல்ல திருடர்கள்; கெட்ட திருடர்கள் என்று 2 வகையாகி விட்டனர்

மூன்று மாதங்களுக்கு முன்பு இளம்பெண்ணிடம் திருடிய மோட்டார் சைக்கிளை, மன்னிப்பு கேட்டு கொடுத்து விட்டு சென்றான் திருடன்.



திருடர்களில் இப்போது நல்ல திருடர்கள்; கெட்ட திருடர்கள் என்று 2 வகையாகி விட்டனர். கர்நாடகாவில் சமீபத்தில் வீடு ஒன்றில் புகுந்த 2 வாலிபர்கள், பெண்ணை கட்டிப்போட்டு அவர் அணிந்திருந்த தாலிச் சங்கிலியை பறித்து சென்றனர். மாலையில் அதே பகுதிக்கு வந்த அவர்கள், பாதி தாலியை மட்டும் அந்த பெண்ணுக்கு சிறுவன் ஒருவன் மூலமாக மன்னிப்பு கடிதத்துடன் கொடுத்து அனுப்பினர். ‘எங்களுக்கு பணம் அவசரமாக தேவைப்படுவதால், உங்கள் சங்கிலியை பறித்தோம். எங்களை மன்னித்து விடுங்கள். போலீசிடம் சொல்ல வேண்டாம்’ என்று கடிதத்தில் கூறியிருந்தனர்.

இதேபோன்ற சம்பவம் மத்திய பிரதேசத்திலும் நடந்துள்ளது. போபாலில் பயிற்சி மையம் ஒன்று உள்ளது. இங்கு பயிற்சிக்கு வந்து செல்லும் இளம்பெண் ஒருவர் தனது ஸ்கூட்டியை வெளியில் நிறுத்துவார். 3 மாதங்களுக்கு முன் திடீரென அது காணாமல் போய் விட்டது. அது பற்றி போலீசில் அவர் புகார் கொடுத்தார். போலீசார் பல இடங்களில் அதை தேடியும் கிடைக்கவில்லை.

இந்த நிலையில், இளம்பெண்ணுக்கு சில தினங்களுக்கு முன் திடீரென ஒரு கடிதம் வந்தது. அதில், ‘அக்கா, மன்னிக்கவும்... உங்களுடைய பைக் எனக்கு தேவைப்பட்டதால் எடுத்து சென்றேன். இப்போது அதை திருப்பி கொடுத்து விடுகிறேன். சென்ட்ரல் நூலகம் அருகே வண்டியை நிறுத்தி வைத்திருக்கிறேன். அங்கு, யாரும் அதை எடுக்க மாட்டார்கள். தயவு செய்து போய், அதை எடுத்து கொள்ளவும்’ என்று திருடன் எழுதி இருந்தான்.

இதை பார்த்து மகிழ்ச்சி அடைந்த இளம்பெண், அது பற்றி போலீசாருக்கு தகவல் கொடுத்தார். போலீசும் அவரும் திருடன் கூறிய இடத்துக்கு சென்று பார்த்தபோது, வண்டி அங்கே நின்றது. அதோடு, நன்றாக சர்வீஸ் செய்யப்பட்டு பளபளவென இருந்ததை பார்த்ததும் அவருடைய மகிழ்ச்சி இரட்டிப்பாகி விட்டது. அதை மகிழ்ச்சியுடன் வீட்டுக்கு எடுத்து சென்றார்.

மூன்று மாதங்களுக்கு முன்பு இளம்பெண்ணிடம் திருடிய மோட்டார் சைக்கிளை, மன்னிப்பு கேட்டு கொடுத்து விட்டு சென்றான் திருடன்.

இது நல்ல திருடன் என்ன சார் பாவம் பெண் என்று நினைத்துக்கொகொடுத்தானோ இல்ல இதனை விட பெரிதா ஏதும் திருடுவோம் என்று கொடுத்தானோ தெரிய வில்லை :%