ஸ்டாலினுக்கு, திடீரென நெஞ்சு வலி

தி.மு.க., பொருளாளர் ஸ்டாலினுக்கு, திடீரென நெஞ்சு வலி ஏற்பட்டது. இதையடுத்து, அவர் சென்னை போரூர் ராமச்சந்திரா மருத்துவமனையில் அனுமதிக்கப்பட்டு, அவருக்கு, "ஆஞ்சியோகிராம்' செய்யப்பட்டது. தீவிர சிகிச்சைப் பிரிவில் சேர்க்கப்பட்டுள்ள அவருக்கு, தொடர்ந்து பரிசோதனைகள் செய்யப்பட்டு வருகின்றன.


சென்னை ஆழ்வார்பேட்டையில் உள்ள வீட்டில் இருந்தபோது, நேற்று காலை 11 மணி அளவில், ஸ்டாலினுக்கு திடீரென கடும் நெஞ்சு வலி ஏற்பட்டது. அதோடு, படபடப்பும் இருந்தது. இதையடுத்து, அவரை உடனடியாக போரூர் ராமச்சந்திரா மருத்துவமனைக்கு கொண்டு சென்றார். அவருடன், கு.க.செல்வமும் சென்றார். மருத்துவமனையில், இருதய சிகிச்சை நிபுணர் தணிகாசலம் தலைமையிலான டாக்டர் குழு, அவரை பரிசோதித்தது. முதலில், அவரது ரத்த அழுத்தம் பரிசோதிக்கப்பட்டது. பின், இ.சி.ஜி., பரிசோதனை செய்யப்பட்டது. இந்த பரிசோதனையில், அவரது இருதய இயக்கத்தில் மாறுபாடு இருப்பது தெரிய வந்தது. இதனால், இருதய ரத்தக் குழாய்களில் அடைப்பு உள்ளதா என பரிசோதிப்பதற்காக, "ஆஞ்சியோகிராம்' பரிசோதனை செய்யப்பட்டது. இதில், இருதய ரத்தக் குழாய்களில் அடைப்பு ஏதும் இல்லை என தெரியவந்தது. இந்தப் பரிசோதனைகள் எல்லாம் மருத்துவமனையின் இரண்டாவது மாடியில் செய்யப்பட்டன. பின் அவர், 6வது மாடியில் சிறப்பு வார்டில் உள்ள தீவிர சிகிச்சை பிரிவுக்கு கொண்டு செல்லப்பட்டார். அங்கு, தற்போது அவர் ஓய்வு எடுத்து வருவதாக டாக்டர்கள் தெரிவித்தனர்.

ஸ்டாலினுக்கு நெஞ்சுவலி என தகவல் பரவியதால், தி.மு.க., தலைவர்கள் மருத்துவமனையில் குவிந்தனர். மத்திய அமைச்சர்கள் அழகிரி, ஜெகத்ரட்சகன், முன்னாள் அமைச்சர் தயாநிதி மாறன், துரைமுருகன், விஜயன் எம்.பி., பொன்முடி, தா.மோ.அன்பரசன் ஆகியோர், மருத்துவமனைக்கு வந்தனர். சிறிது நேரம் கழித்து, தி.மு.க., தலைவர் கருணாநிதி, அவரது மனைவியும் ஸ்டாலின் தாயாருமான தயாளு, ஸ்டாலின் மனைவி துர்கா, மருமகள் ஆகியோரும், மருத்துவமனைக்கு விரைந்தனர். கருணாநிதி டாக்டர்களை சந்தித்து, ஸ்டாலின் உடல் நலம் குறித்து விசாரித்தறிந்தார். மாலை 4,15 முதல் 4.45 மணி வரை, மருத்துவமனையில் இருந்த அவர், பின் அங்கிருந்து வீடு திரும்பினார். இருதய ரத்தக் குழாய்களில் பிரச்னை இல்லை என, ஆஞ்சியோகிராம் பரிசோதனையில் தெரிய வந்தாலும், அவருக்கு, "எக்கோ' பரிசோதனை செய்ய டாக்டர்கள் முடிவு செய்துள்ளனர். இன்று, அவருக்கு "எக்கோ' பரிசோதனை செய்யப்படும் என தெரிகிறது. மாலை 6 மணிக்கு மேல், ஸ்டாலின் உறவினர்கள் ஒரு சிலரை தவிர, மருத்துவமனையில் இருந்து, அழகிரி உள்ளிட்ட அனைவரும் வீடு திரும்பினர்.

டாக்டர்கள் இதுகுறித்து கூறும்போது, ""அவருக்கு, இருதயத்தில் பிரச்னை ஏதுமில்லை. முன்னெச்சரிக்கையாக பரிசோதனைகள் செய்யப்பட்டன'' என்றனர். ஸ்டாலினுக்கு உடல் நலக் குறைவு ஏற்பட்டது தொடர்பாக, கட்சி சார்பில் அறிக்கை வெளியிடப்பட்டது. அதில், "ஸ்டாலினுக்கு ஆஞ்சியோ பரிசோதனை செய்யப்பட்டது. பரிசோதனைக்குப் பின் அவருக்கு எவ்வித குறைபாடும் இல்லை என, மருத்துவர்கள் கண்டறிந்து அவர் இல்லம் திரும்பலாம் என தெரிவித்தனர்.

டாக்டர்கள் இதுகுறித்து கூறும்போது, ""அவருக்கு, இருதயத்தில் பிரச்னை ஏதுமில்லை. முன்னெச்சரிக்கையாக பரிசோதனைகள் செய்யப்பட்டன'' என்றனர்.

இது ஏன் தெரியுமா அவரின் காரியாலயம் பறிக்கப்பட இருக்கிறது என்ற விபரம் கேட்டு போட்ட நாடகம் என்று இந்திய நண்பர் ஒருவர் சொன்னார்............