ஆத்தோர அழகி...!!!

by **முfதாக்** Sun 25 Dec 2011 - 8:30

ஆத்தோரம்
வந்தவளே
அழகழகாப்
பூப்
பூத்தவளே...

சேத்தோரச்
செடி போல
நீ
சிவப்பாப்
பூத்ததென்ன..

பாத்திருக்க
பல கண்ணும்
அதில்
பூத்திருக்க
எங்-கண்ணும்...

மாத விடாப்
பார்வயால
மய்யலாப்
பார்ப்பதென்ன...

சும்மாடு-தான்
வச்சு
சுமந்து
நீர்-போகயில...

எம்பாடு
என்னாண்னு
எட்டி- நீ
பாரு
புள்ள...

வட்டிக்
கடனெடுத்து
வக வகயா
நக
செஞ்சு...

பச்ச,
மஞ்சள்,
சிவப்பால
பல வகயா ஆட
வாங்கி...

பொத்திப் பொத்தி
வச்சதெல்லாம்
புஷ் வானம்
ஆனதடி...

கத்தியில-நான்
நடக்கக்
கனாவொன்று
கண்டேனே...

எம்
புத்தியில
புதிதாகப்
புயல்-வந்து
வீசுதடி...

மத்த-இடம்
எல்லாமே
மன முடஞ்சி
அழுவுதடி...

நீ-வச்ச
தடம்
எல்லாமே
வீராப்பா

நிக்குதடி...

பூட்டி-வச்ச
கிளி
யரோ
கூட்டிக்கிட்டு
போனதென்னு...

மாட்டிக்கிட்டு
முழிக்கிறனே
மஞ்சள்
தீ
குளிக்கிறனே...!!!

by **நேசமுடன் ஹாசிம்** Sun 25 Dec 2011 - 8:46

காத்திருந்த ஏக்கம் அருமையான கவிதை மிகவும் ரசனையாக உள்ளது பாராட்டுகள்

by **அப்துல்லாஹ்** Sun 25 Dec 2011 - 9:28

இன்னும் மனிதம் உயிர்வாழும் கிராமிய ஆற்றுப் படுகைகளில் பதிந்து இன்னும் அழிக்கப் படாமல் உயிர்த்து நிற்கும் காதலர்களின் பாதச்சுவடுகளிலிருந்து கிளம்பும் வலிமை தோய்ந்த வரிகள்... எளிய நடையில் சந்த ஓசையுடன் ஒரு புத்தம்புது கவிதை...

by **முfதாக்** Sun 25 Dec 2011 - 9:41

நன்றி
நடத்துனரே,,,

அப்துல்லாஹ்,,,

விளிப்பான விமர்சனம்
எனை
கழிப்பூட்டச் செய்கிறது...!!!

நன்றி,,,

by **நண்பன்** Sun 25 Dec 2011 - 9:46

வாவ் அன்பு நண்பரே அருமையாக உள்ளது அசத்துங்கள்
நன்றியுடன்
நண்பன்.

by **முfதாக்** Sun 25 Dec 2011 - 10:52

நன்றி ”நண்பன்” நண்பா,,,

by **சர்ஹூன்** Sun 25 Dec 2011 - 11:10

கதை கதையா நீ
கண் கலங்கி பாடினாலும்
கன்னி மனசொன்னும் கரையாது பாரு மச்சான்.

வட்டி யில
நகை வாங்கி நீ எனக்கு போட்டு வச்சா,
புள்ள குட்டி ஆன பின்ன
எத வச்சி சோறு தின்பே?

வேற ஏதுமில்ல இது
வயசு செய்ற வேல மச்சான்.

கத்திக் கதறிக்கிட்டு
காலத்த தின்னாம,
ஊட்ட வேல ஒனக்கென்டு காத்திருக்கு
ஓடிப்போயி அத முன்ன பாருடப்பா.

by **முfதாக்** Sun 25 Dec 2011 - 15:54

கன்னி மனமென்ன கற்பூரமா
கவித பட்டுக் கரைந்து விட...?

ஆனந்தக் கண்ணீருக்கு - நீ
அர்த்தம் வேறு சொல்வதென்ன...?

வட்டிக்கு நகை என்று கவிக்காய்
இட்டுக் கட்டியதடா என் நண்பா...!

வயசுக்கு வந்து பல நாளாச்சு - இப்ப
வாத்தியாரு மனசு போலாச்சு...!

கத்திக் கதறி விடச்
சுத்தியல் என் விரல் படல...!

வீட்டு வேலைக்கு வக்கணயா ஆளிருக்கு
கூட்டு வேலைக்குக் குறயிதடா ஒரு ஆழு...!

தீட்டுப் படாம நீ இருந்தா
திரும்பிப்பாரு எங்க பக்கம்...!!!

நன்றி - ”சர்ஹுன்”

by **சர்ஹூன்** Sun 25 Dec 2011 - 15:58

கவியென்ன கவி
பார்வை பட்டே பஞ்சாகும் - பாவையரும் உண்டு இங்கே

ஆனந்தம் கண்ணீரென்றால்
அடுத்த முறை அது வராது.
சத்தியமாய் நானுரைப்பேன்
சம்சாரியிடம் கேட்டுப்பார்

by **முfதாக்** Sun 25 Dec 2011 - 16:24

சம்சாரத்தின்
மின்சாரம் பாய்ந்து
மெலிந்து
கிடக்குதுன்
மனசு...!!!

ஹா... ஹா... ஹா...

சந்ஹுன் - கவி நடைக்காக கொச்சயாக சில வேளையில் எழுத வேண்டி இருக்கிறது அதைப் புரிந்திருப்பீர் என நம்புகின்றேன்,,,

by **பாயிஸ்** Sun 25 Dec 2011 - 17:03

ஆத்தோர அழகி
அவன் மனச
அள்ளிக்கொண்டு போனதேனடி

அன்பேயுனை ஆதாரிக்கிறான்
அவஸ்தையில் அவனை வீழ்த்தாதே
அறிந் தவனை ஏற்றிடு புள்ள

வயல்வெளி வரம்புகளில் காதலுடன் வழுக்கிய உணர்வு தோன்றுகிறது கவிதையில். படிக்கவும் ரசனை சொட்டுகிறது

by **முfதாக்** Sun 25 Dec 2011 - 17:21

சிறப்புக்கவி ””பாயிஸ்””

சிந்தக்குள்ள
ஏறி நின்னு
சிலுமிஷம்
செய்யுறீக...!!!

அந்தக்
குழிர்
பட்டதுவா,

அங்கமெல்லாம்
ஆனந்தத்தில்
அதிருதுங்க...!!!

நன்றி,
நட்பு...

by **பாயிஸ்** Sun 25 Dec 2011 - 17:27

mufftaaa mod wrote:சிறப்புக்கவி ””பாயிஸ்””

சிந்தக்குள்ள
ஏறி நின்னு
சிலுமிஷம்
செய்யுறீக...!!!

அந்தக்
குழிர்
பட்டதுவா,

அங்கமெல்லாம்
ஆனந்தத்தில்
அதிருதுங்க...!!!

நன்றி,
நட்பு...

உங்களின் வரிகளில் இலையராஜாவின் இசை தெரிகிறது
சிந்தைக்குள்ளாடும் ஜீவனே.....

by **முfதாக்** Sun 25 Dec 2011 - 18:19

ஓ...!!!

எனக்கு என்ன சொல்லுவதென்றே புரியல...

THANKS A LOT...!!!

by *சம்ஸ் Sun 25 Dec 2011 - 19:45

வாவ் அருமை அற்புதம் பிரமாதம் சூப்பர் என்று எப்படி சொன்னாலும் பத்தாது வரிகளில் வீசும் கிராமத்து வாடை சிறப்பாக உள்ளது.தொடருங்கள் .

நட்புடன் சம்ஸ்

by **முfதாக்** Sun 25 Dec 2011 - 20:24

நன்றி நண்பா ”””ஷம்ஸ்,,,

உங்களிண்ட
அன்ப
பார்க்கேக்குள்ள
புல்லரிக்குது
போங்க...!!!

by Sponsored content

ஆத்தோர அழகி...!!!

ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!

Re: ஆத்தோர அழகி...!!!