பழவேற்பாடு ஏரியில் படகு கவிழ்ந்து 22 பேர் மரணம்

by *சம்ஸ் Tue 27 Dec 2011 - 6:19

அபாயகரமான பழவேற்பாடு ஏரி யில், 5-6 பேருக்கு மேல் போகக் கூடாத சாதா ரண மீன்பிடி படகில் அளவுக்கு அதிக மாக ஆட்களை ஏற்றிச் சென்றதால் ¡ன் விபத்து நேரிட்டதாக பொலிஸார் தெரி வித்துள்ளனர். 25 பேரை அந்தப் படகில் ஏற்றிச் சென்றதால்தான் படகு கவிழ்ந்து 22 பேரின் உயிரைக் குடித்து விட்டதாகவும் அவர்கள் குற்றம் சாட்டியுள்ள்னர்.

சென்னை அருகே உள்ளது. புலிகாட் லேக் எனப்படும் பழவேற்பாடு ஏரி அக்கம் பக்கத்தினருக்கும், சென்னை மக்களுக்கும் இது ஒரு சுற்றுலாத்தலம் என்பதால் அடிக்கடி பலர் இங்கு வரு வது வழக்கம். மீனவர்களின் மீன்பிடி படகில் உயிரைப் பயணம் வைத்துப் படகு சவாரி செய்வதும் நடந்து வருகிறது.

இந்தப் படகு சவாரி அபாயகரமானது என்பதை யாரும் உணர்வதில்லை. கார ணம் சாதாரண மின்பிடி படகான இதில் அதிகபட்சம் 5 பேருக்கு மேல் போவது கூடாது.

ஆனால் பணத்திற்காக மீனவர்கள் அளவுக்கு அதிகமாக ஆட்களை ஏற்றிக் கொண்டு செல்வது தொடர் கதையாக உள்ளது. நேற்று முன்தினம் கும்மிடிப்பூண்டி யைச் சேர்ந்த சுந்தரபாண்டியன் நாடார் என்பவர் தனது குடும்பத்தினரோடு போய் மொத்த மாக உயிரைப் பறி கொடுத்துள்ளார்.

புதுக்கும் முடிப்பூண்டியை சேர்ந்தவர் சுந்தரபாண்டியன் (64) இவரது பூர்வீகம் தூத்துக்குடி மாவட்டமாகும். இவர் தனது மனைவி, மகன்கள், மகள்கள் பேரப்பிள்ளைகளுடன் பழவேற்காடு பகுதிக்கு சுற்றுலா சென்றார். பல இடங்களை சுற்றிப் பார்த்த அவர்கள் மதியம் 2 மணி அளவில் பழவேற்காடு ஏரிக்கு வந்தனர்.

சுந்தரபாண்டியன் குடும்பத்தினர் 23 பேர் ஒரு மோட்டார் படகில் ஏறினர். அந்தப் படகு அப்பகுதியில் மீன் பிடிக்கும் படகு, அந்தப் படகை ஓட்டியவர் அன்சாரி. படகில் அன்சாரியின் மனைவி யான 26 வயதான நசீரா பானுவும் பயணித்தார்.

ஏரி கடல் தொடங்கும் இடமான முகத்துவாரம் வரை வந்தபோது சிலர் கடலுக்குள் போய் வரலாம் என்று வற்புறுத்தியுள்ளனர். ஆனால் அது அபாயகரமானது என்று அன்சாரி கூறியுள்ளார். இருப்பினும் அதைப் பொருட்படுத்தாமல் படகில் இருந்தவர்கள் கடலுக்குள் போகலாம் என்று வலியுறுத்தி யதால் அன்சாரி படகை கடலுக்குள் திருப்பினார். கடல் வழக்கத்தைவிட சீற்ற மாகக் காணப்பட்டதால் பெரிதாக வீசிய அலையில் படகு அப்படியே கடலுக்குள் தள்ளப்பட்டது.

படகு கவிழ்ந்ததையும் அதில் இருந்த வர்கள் தண்ணீரில் விழுந்ததையும் கரையில்இருந்த மீனவர்கள் சிலர் பார்த்து தங்களது படகுகளுடன் விரைந்து வந்தனர். ஆனால் அதற்குள் படகில் இருந்தவர்கள் பெரும்பாலானோர் மூழ்கி விட்டனர். மூன்று சிறுவர்கள் மட்டும் கயிற்றைப் பிடித்து படகை இறுக்கப் பிடித்து உயிர் தப்பித் தத்தளித்தனர். அவர்களை முதலில் மீனவர்கள் மீட்டனர். ஆனால் மற்ற 22 பேரையும் மீட்க முடியவில்லை.

பொலிஸாருக்குத் தகவல் சென்று அவர்கள் தீயணைப்பு வீரர்கள் நீச்சல் வீரர்களுடன் விரைந்து வந்தனர். அனைவரும் சேர்ந்து உயிரிழந்தவர் களின் உடல்களை மீட்டனர். படகோட்டி அன்சாரி உயிர்தப்பி விட்டார். அவரைப் பொலிஸார் கைது செய்தனர். ஆனால் அவரது மனைவி நசீரா பானு பரிதாபமாக உயிரிழந்தார்.

இவர்களுக்கு சில மாதங்களுக்கு முன்புதான் கல்யாணம். அதனால் புதுப்பெண் என்பதால் நசீராவையும் படகுப் பயணத்திற்கு அழைத்து வந்திருந்தார் அன்சாரி.