அடுத்த வருடம் முதல் கடுமையான தண்டனை

by *சம்ஸ் Thu 29 Dec 2011 - 6:32

அடுத்த வருடம் முதல் கடுமையான தண்டனை
எம்.எஸ். பாஹிம்
மோசடியாக மின்சாரம் பெறுவோருக்கு எதிரான தண்டனைகள் அடுத்த வருடம் முதல் கடுமையாக்கப்படுமென மின்சக்தி எரிசக்தி அமைச்சு கூறியது.

இந்த வருடத்தில் சட்டவிரோதமாக மின்சாரம் பெற்றது தொடர்பாக 8,452 பேர் கைதானதோடு பாதுகாப்பற்ற முறை யில் மின்சார இணைப்பு மேற்கொண்ட 25 பேர் இறந்துள்ளனர். இந்த நிலையிலே தண்டனைகளை அதிகரிக்கவும் 2 தடவைக்கு மேல் திருட்டு மின்சாரம் பெற்று பிடிபட்டால் மின்சார இணைப்பை முழுமையாக துண்டித்து மீண்டும் மின்சார இணைப்பு வழங்காதிருக்கவும் திட்டமிடப்பட்டுள்ளது.

சட்டவிரோதமாக மின்சாரம் பெறுவதால் மின்சார சபைக்கு வருடாந்தம் 6 ஆயிரம் மில். ரூபா நஷ்டம் ஏற்பட்டு வருகிறது. இந்த நிலையில் சட்டவிரோத மின்சாரம் பெறுவதற்கு எதிரான சுற்றிவளைப்புகள் அதிகரிக்கப்பட்டுள்ளன. இந்த வருடத்தில் சட்டவிரோதமாக மின்சாரம் பெற்றது தொடர்பில் 8452 பேர் பிடிபட்டதோடு இவர்களிடமிருந்து 327 மில்லியன் ரூபா தண்டப்பணம் அறிவிடப்பட்டது.