2011 இல் வெனிசுவேலாவில் 19, 336 பேர் கொலை

by *சம்ஸ் Fri 30 Dec 2011 - 9:58

2011 இல் வெனிசுவேலாவில் 19, 336 பேர் கொலை
வெனிசுவேலாவில் வரலாறு காணாத அளவில் 2011 ஆம் ஆண்டில் கொலை எண்ணிக்கை அதிகரித்துள்ளதாக அந்நாட்டின் வன்முறை காண்காணிப்பகம் அறிவித்துள்ளது.

இதன்படி இந்த ஆண்டில் மாத்திரம் 19,336 பேர் கொல்லப்பட்டுள்ளனர். சராசரியாக நாளொன்றுக்கு 53 பேர் கொல்லப்பட்டுள்ளனர்.

‘2011 ஆம் ஆண்டு வரலாறு காணாத அளவில் தேசத்தின் வன்முறை மிக்க ஆண்டாக பதிவாகியுள்ளது’ என்று வன்முறை கண்காணிப்பகம் வெளியிட்டுள்ள அறிக்கையில் குறிப்பிடப்பட்டுள்ளது.

தென் அமெரிக்காவிலேயே வெளிசுவே லாவில் தான் இந்த ஆண்டில் அதிகமா னோர் கொல்லப்பட்டுள்ளனர். இது மெக்சிகோவை விடவும் நான்கு பங்கு அதிகமாகும். எனினும் இந்த வன்முறை அதிகரிப்புக்கான காரணத்தை மேற்படி கண்காணிப்பகம் விளக்கவில்லை.

அதிகமானோரிடம் துப்பாக்கி அனுமதிப்பத்திரம் இருப்பது கொள்ளை, கடத்தல் சம்பவங்கள் அதிகரிப்பு என்பன இதற்கு காரணமாக இருக்கலாம் என குறிப்பிடப்படுகிறது.

மக்கள் பாதுகாப்பை அதிகரிக்க விசேட படை ஒன்றை வெனிசுவேலா அரசு கடந்த மாதம் ஆரம்பித்தமை குறிப்பிடத்தக்கது.