அடுத்து அமையவுள்ள மத்திய அரசில் அதிமுக முக்கிய பங்கெடுக்கும் : ஜெயலலிதா

அதிமுகவிலிருந்து சசிகலா மற்றும் அவரது உறவினர்கள் அதிரடியாக நீக்கப்பட்டதற்கு பின்னர் முதன்முறையாக அக்கட்சியின் செயற்குழு மற்றும் பொதுக்குழு கூட்டம் நேற்று சென்னை வானரகத்தில் நடந்தது.

இக்கூட்டத்தில் பேசிய தமிழக முதல்வரும் அதிமுக பொதுச்செயலாளருமான ஜெயலலிதா 'தேசிய அளவிலான வெற்றிக்கு தொண்டர்கள் இப்போதிருந்தே தயாராக வேண்டுமெனவும், அடுத்து அமையவுள்ள மத்திய அரசில் அதிமுக முக்கிய பங்கெடுக்கும் மற்றும் அடுத்த பிரதமரை தேர்ந்தெடுக்கும் சக்தியாக அதிமுக உருவெடுக்கும் எனவும் தெரிவித்தார்.

மேலும் தொண்ரடர்களிடம் பதவியிலிருப்பவர்கள் தோழமையுடன் பழக வேண்டும். தலைமை மீது சந்தேகம் கொண்டு பேசுபவர்களுக்கும், கட்சியிலிருந்து நீக்கப்பட்டவர்களுடன் தொடர்பு வைத்துக்கொள்வோருக்கும் மன்னிப்பே கிடையாது என தெரிவித்துள்ளார். இக்கூட்டத்தின் போது தமிழகத்துக்கு சிறப்பு நிதி வழங்கக்கோரி பிரதமர் மன்மோகன் சிங்கிடம் தமிழக முதல்வர் ஜெயலலிதா மனு கொடுத்தும் இதுவரை நடவடிக்கை எடுக்காததற்கும், மத்திய தொகுப்பிலிருந்து கூடுதல் மின்சாரம் வழங்காததற்கும் மத்திய அரசுக்கு கண்டனம் தெரிவித்து தீர்மானம் நிறைவேற்றப்பட்டது குறிப்பிடத்தக்கது.

மேலும் மருத்துவ கல்விக்கு கட்டாயமாக நுழைவுத்தேர்வை கட்டாயமாக்கும் மத்திய அரசின் முடிவு மாநில அரசின் உரிமையை பறிப்பதற்காக மத்திய அரசின் நடவடிக்கைக்கு கண்டனம் தெரிவிக்கப்பட்டது. பாராளுமன்றம் மற்றும் சட்டசபையில் மகளிர்க்கு 33 சதவீத இட ஒதுக்கீட்டை அமல்படுத்தவும் மத்திய அரசை வலியுறத்தி தீர்மானம் நிறைவேற்றப்பட்டது. தமிழக நலன் கருதி முதல்வர் ஜெயலலிதா எடுக்கும் நடவடிக்கைக்கு முழு ஆதரவு அளிப்பது எனவும் பொதுக்குழுவில் தீர்மானம் நிறைவேற்றப்பட்டது.

வாழ்த்துக்கள்... அப்படியே நீங்க பங்கேற்பதற்கு பிஜேபி உங்களுக்கு கைகொடுக்கும்மின்னு நீங்க நெனச்சா அது முட்டாள் தனம் மேடம் .... ஏன்னா அது மூழ்கும் கப்பல்...

வாழ்த்துக்கள்