காதலிக்குப் பரிசளிக்க 'ரெயிலை' கடத்த முயன்ற நவீன மஜ்னு கைது!

by **gud boy** Tue 3 Jan 2012 - 20:10

தன்னுடைய காதலிக்குப் புதுவிதமாகப் பரிசளிக்கத் துடித்த ஒருவிதமான காதலன் ஒரு எக்ஸ்பிரஸ் ரெயிலையே கடத்த முயன்று சிறையில் தள்ளப்பட்டுள்ள சம்பவம் பிஹாரில் நடந்துள்ளது.
காதலிக்குப் புத்தாண்டுப் பரிசளிக்க, ரெயிலை கடத்த முயன்று பன்னூறு பயணிகளின் உயிருடன் விளையாடிய அந்த நபரின் பெயர் கேத்தன் குமார் என்பதாம்.
25 வயதாகும் குமார் அமிர்தசரஸிலிருந்து வரும் அம்ராப்பள்ளி விரைவுவண்டியில் கத்திஹார் என்னுமிடத்தில் ஏறினார். ரெயிலின் ஓட்டுநர் ஜனார்தன் பஸ்வான் என்பவரின் நெற்றிப்பொட்டில் கைத்துப்பாக்கியை வைத்து அழுத்தி ரெயிலை நிறுத்துமாறு கூறியுள்ளான். ஓட்டுநர் மறுக்கவும், கைத்துப்பாக்கியின் பின்புறத்தால் டிரைவர் அந்த ஆள் தாக்கியிருக்கிறான். இதற்கிடையில் மற்ற பயணிகள் சேர்ந்து அந்த ஆளை அடித்து வீழ்த்தி ரெயில்வே போலிசிடம் ஒப்படைத்தனர்.
"முகலாயப் பேரரசர் ஷாஜஹான் தனது காதல் நினைவாக தாஜ்மஹாலைப் பரிசளித்தார். நானோ என்காதலிக்கு இந்த ரெயிலைப் பரிசளிக்க விரும்பினேன்" என்று பிதற்றிய அந்தக் காதல்பித்தன் கடைசிவரை தனது காதலி பெயரைக் கூற மறுத்துவிட்டதாகவும் செய்திகள் தெரிவிக்கின்றன. பயணிகளின் உயிருடன் விளையாடியதற்காக அந்த நவீன மஜ்னு மீது வழக்குப் பதிவு செய்யப்பட்டுள்ளது.

www.inneram.com