கடற்படையினரால் மீட்கப்பட்ட இந்திய மீனவர்கள் தாயகம் அனுப்பி வைப்பு

by *சம்ஸ் Wed 4 Jan 2012 - 6:40

இலங்கை கடற்படையினரால் மீட்கப்பட்ட 35 இந்திய மீனவர்களும் நேற்று அவர்களது சொந்த நாட்டிற்கு அனுப்பி வைக்கப்பட்டிருப்பதாக கடற்படைப் பேச்சாளர் கமாண்டர் கோசல வர்ணகுலசூரிய தெரிவித்தார்.

பொலிஸ் விசாரணைகள் முடிவடைந்துள்ளதையடுத்து இவர்கள் முறையே இலங்கை கடற்படையினரால் இந்திய கரையோர காவற்படையினரிடம் ஒப்படைக்கப்பட்டுள்ளனர்.

இலங்கை கடற்பரப்பிற்குள் வைத்து மீட்கப்பட்ட 35 மீனவர்களும் அவர்ளது இரண்டு மீன்பிடி படகுகளுடன் நெடுந்தீவு கடற்பரப்பில் வைத்து இலங்கை கடற்படையினரால் இந்திய கரையோர காவற்படையினரிடம் ஒப்படைக்கப்பட் டுள்ளனர். மீட்கப்பட்டிருக்கும் 35 இந்திய மீனவர்களுள் 29 பேர் மீன்பிடி பயிற்சியின் போது படகு சேதமாகியதால் தத்தளித்த வண்ணம் உயிருக்கு போராடிய போது மீட்கப்பட்டனர்.

ஏனைய ஆறு பேரும் ‘தானே’ சூறாவளிக் காரணமாக திசைமாரி இலங்கை கடற்பரப்பிற்குள் வந்தவேளை இலங்கை கடற்படையினரால் மீட்கப் பட்டனர். மேலும் சூறாவளிக் காரணமாக காரணமற்போன 15 இந்திய மீனவர்கள் தொடர்ந்தும் வடக்கு, கிழக்கு கடற் பரப்புக்களில் கடற்படையினரால் தேட ப்பட்டு வருவதாகவும் அவர் கூறினார்.