இடமாற்றங்களால் ஆசிரியர்களுக்கு மன உளைச்சல்’

இடமாற்றங்களால் ஆசிரியர்களுக்கு மன உளைச்சல்’
காரைதீவு குறூப் நிருபர்
கிழக்கு மாகாணத்தில் நடைமுறைப் படுத்தப்படும் மேலதிக ஆசிரியர் சமப்படுத்தல் திட்டத்தின் கீழ் கல்முனைப் பிரதேசத்திலிருந்து கிண் ணியா, மூதூர், வாகரை போன்ற நீண்ட தூரங்களுக்கு இடமாற்றப்பட்ட ஆசிரியர்களில் பலர் சுகயீனலீவில் நிற்பதாகக் கூறப்படுகிறது.

இதனால் அவர்கள் முன்பிருந்த பாடசாலைகளும், புதிதாக இடமாற்றம் பெற்ற பாடசாலைகளும் சீராக இயங்க முடியாத சூழ்நிலை தோன்றியுள்ளது.

கிண்ணியாவுக்கான பெண் ஆசிரியைக ளின் இடமாற்றம் ரத்து செய்யப்பட்டதாக கூறப்பட்டிருப்பினும் அவர்கள் மட்டக்களப்பு மேற்கு வலயத்திற்கு இடமாற்றப்பட் டுள்ளனர். 90 வீதம் முஸ்லிம் பெண் ஆசிரியைகள் இவ்விதம் இடமாற்றப்பட் டுள்ளதாக கருத்துக்கள் கூறப்படுகின்றன.

மேன்முறையீட்டு சபையில் ரத்துச் செய்யப்பட்ட ஆசிரியர்களுக்குப் பதிலாக புதிய ஆசிரியர்களின் பெயர்ப்பட்டியல் அனுப்பப்பட்டுள்ளதால் புதிய பிரச்சினை தோன்றியுள்ளது.

இதனைவிட, ஒப்பந்த அடிப்படையில் (2 வருடம்) இடமாற்றப்பட்ட 106 ஆசிரியர்களுக்குப் பதிலாக பதில் ஆசிரியர்கள் கோரப்படக் கூடாது என ஆசிரிய தொழிற்சங்கங்கள் கேட்டுக் கொண்டிருந்தன.

ஆசிரியர் இடமாற்றங்கள் பாடசாலையில் மட்டுமல்ல சமூகத்தையும் பாதித்துள்ளது என சமூக ஆர்வலர்கள் கூறியுள்ளனர்.

மேன்முறையீட்டு சபைக்கு அப்பாலும் பல இடமாற்றங்கள் இடம்பெற்றுள்ளன. கல்வியமைச்சர் விமலவீர திஸாநாயக கூடிய கூட்டத்தில் எடுக்கப்பட்ட முடிவுகள் அமுலுக்கு வரவில்லையென ஆசிரிய தொழிற்சங்கங்கள் குற்றம்சாட்டுகின்றன.

ஆசிரிய தொழிற் சங்கங்களின் ஆலோ சனை பெறப்படாமல் வடிவமைக்கப்பட்ட இடமாற்ற நியதிகள் மறுசீரமைத்து மாகாணத்திற்கென தனியான நியதிகள் எதிர்காலத்தில் தயாரிக்கப்பட வேண்டும்.

வலயக்கல்விப் பணிப்பாளர்கள் முதல் உயரதிகாரிகள் வரை ஒரு சீரான அடிப்படையில் இடமாற்றங்களையும், ஏனைய விடயங்களையும் மேற்கொள்ள வேண்டும்.

கிண்ணியா ஹிஜ்ரா நகர் பாடசாலையில் க. பொ. த (உ/த) விஞ்ஞானப் பிரிவு இன்னும் ஆரம்பிக்கப்படவில்லை. ஆனால் அங்கு கல்முனையிலிருந்து பெளதீகவியல் பட்டதாரி ஆசிரியரொருவர் இடமாற்றப்பட்டிருக்கிறார்.

அங்கு ஆரம்ப நெறி ஆசிரியர்களும் தேவைக்கதிகம். ஆனால் புதியவர்கள் இடமாற்றப்பட்டுள்ள னர். இப்படி பல நியாயமில்லாத இடமாற்றங்கள் இடம்பெற்றுள்ளன. எனவேதான் 01 மாத காலத்திற்கு பிற்போடுமாறு ஆசிரிய சங்கங்கள் கோரிக்கை விடுத்தன. (ஐ)