பாரிஸ் ரயில் நிலையத்தில் 20 கிலோ தங்கம்

by *சம்ஸ் Thu 5 Jan 2012 - 6:18

பாரிஸ் ரயில் நிலையத்தில் 20 கிலோ தங்கம்
பிரான்ஸ் நாட்டின் தலைநகர் பாரிஸ் அருகே ரயிலில் கேட்பாரற்று கிடந்த பெட்டியில் இருந்து 20 கிலோ தங்க்த்தை பொலிஸார் பறிமுதல் செய்தனர்.

பிரான்ஸ் தலைநகர் பாரிசின் தென்மேற்குப் பகுதியைச் சேர்ந்த மாசே பலாய்சியூ ரயில் நிலையத்தில் பெட்டி ஒன்று அனாதையாக கிடந்தது. இதனைக் கவனித்த ரயில் ஊழியர் ஒருவர் பொலிசுக்கு தகவல் அளித்தார். இதனையடுத்து பொலிஸார் வெடி குண்டு நிபுணர்கள் உதவியுடன் சோதனை நடத்தினர். சோதனையில் பெட்டியில் அளவுக்கு அதிகமாக தங்க கட்டிகள் இருப்பது கண்டறியப்பட்டது. இதன் மொத்த எடை சுமார் 20 கிலோ எனவும் சர்வதேச சந்தையில் இதன் மதிப்பு சுமார் 800 ஆயிரம் யூரோ அதாவது ஒரு மில்லியன் டொலர் எனத் தெரிவித்தனர்.

கைப்பற்றப்பட்ட தங்கத்தில் எந்த வித முத்திரையும் காணப்படவில்லை. அனைத்து ரயில் நிலையங்களிலும் உள்ள கண்காணிப்பு கெமராவை பரிசோதிக்க உத்தரவிடப்பட்டுள்ளது என்றும் யாரும் உரிமை கோராத பட்சத்தில் அவை கருவூலத்தில் ஒப்படைக்கப்படும் எனப் பொலிஸார் தெரிவித்துள்ளனர்.