அமெரிக்காவில் வழிபாட்டு தலங்களில் குண்டு வீசியவர் கைது

by *சம்ஸ் Thu 5 Jan 2012 - 6:20

அமெரிக்காவில் வழிபாட்டு தலங்களில் குண்டு வீசியவர் கைது
இரு தினங்களுக்கு முன் நியூயோர்க் பகுதியில் இந்து வழிபாட்டு தலம், இஸ்லாமிய அறக்கட்டளை, பல்பொருள் அங்காடி உள்ளிட்ட 4 இடங்களில் குண்டு வெடிப்பு தாக்குதல் நடைபெற்றது.

இந்த தாக்குதல் தொடர்பாக நியூயோர்க் பொலிஸாரால் விசாரணை நடத்தப்பட்டது. நேரில் பார்த்தவர்களின் சாட்சிகளின் மூலமும் கண்காணிப்பு கெமராவில் பதிவாகியிருந்த கார் எண்ணை வைத்தும் குற்றவாளியை கண்டுபிடித்து கைது செய்துள்ளனர்.

குற்றத்தை ஒப்புக் கொண்டுள்ள 40 வயதுள்ள அந்த நபர், நியூயோர்க் நகரத்தை சேர்ந்த அமெரிக்கராவார். இவன் தற்போது பொலிஸ் காவலில் வைக்கப்பட்டுள்ளார்.

கடந்த டிச. 22 அன்று ஒரு பல்பொருள் அங்காடியில் திருடியதற்காக வெளியேற்றப்பட்டார். அதே அங்காடியில் இவர்தாக்குதல் நடத்தியது குறிப்பிடத்தக்கது.

இந்த சம்பவம் குறித்து விசாரணை நடத்திய போது தனிப்பட்ட வெறுப்பு காரணமாக இந்த தாக்குதல்களை நடத்தியதாக கூறியுள்ளார்.