கோடீஸ்வரர்கள் வரிசையில் பீகார் அமைச்சர்கள்

by *சம்ஸ் Thu 5 Jan 2012 - 6:30

கோடீஸ்வரர்கள் வரிசையில் பீகார் அமைச்சர்கள்
பாட்னா

பீகார் மாநிலத்தில் கோடீஸ்வரர்கள் பட்டியலில் பீகார் முதல்வர் நிதிஷ்குமார், துணை முதல்வர் மற்றும் அவரது அமைச்சரவை சகாக்கள் 12 பேர் இந்த பட்டியலில் இணைந்துள்ளனர். கடந்த ஆண்டு கோடீஸ்வரர்கள் வரிசையில் ஐந்து அமைச்சர்கள் மட்டுமே இருந்த நிலையில் இந்தாண்டு இதன் எண்ணிக்கை இரண்டு மடங்கு அதிகரித்துள்ளது.

பீகார் மாநிலத்தில் மொத்தம் 243 எம். எல். ஏ.க்களும், 75 மேல் சபை உறுப்பினர்களும் உள்ளனர். இவர்களில் 23 எம். எல். ஏ.க்கள் மற்றும் ஆறு மேலவை உறுப்பினர்கள் அமைச்சர்களாக பதவி வகித்து வருகின்றனர். இவர்கள் அனைவரும் தங்களின் சொத்து கணக்கு விபரங்களை தாக்கல் செய்தனர். இதன்படி முதல்வர் நிதிஷ்குமார் கடந்த ஆண்டின் சொத்து மதிப்பாக ஒரு கோடியே 62 இலட்சத்து 45 ஆயிரத்து 192 என காண்பித்துள்ளார்.

அதற்கு முந்தைய ஆண்டில் ஒரு கோடியே 50 இலட்சத்து 64 ஆயிரத்து 199 என குறிப்பிட்டிருந்தார். அதேபோல் துணை முதல்வர் சுசில்குமார் மோடியின் சொத்து மதிப்பு கடந்தாண்டு ஒரு கோடியே 17 இலட்சத்து 33 ஆயிரத்து 228 எனவும், அதற்கு முந்தைய ஆண்டில் ஒரு கோடியே 6 இலட்சத்து 80 ஆயிரத்து 314 ஆக காண்பித்திருந்தார் என்பது குறிப்பிடத்தக்கது.