சிறைக்குச் செல்லும் நிலைமை நமக்கு வராது; தஞ்சையில் ‘சசிகலா’ நடராஜன் நம்பிக்கை

by *சம்ஸ் Wed 18 Jan 2012 - 6:27

சிறைக்குச் செல்லும் நிலைமை நமக்கு வராது; தஞ்சையில் ‘சசிகலா’ நடராஜன் நம்பிக்கை
சென்னையில் சங்கமம் விழா நடத்தியவர்கள் எல்லாம் திகார் சிறையில் சங்கமமாகும் நிலையில் உள்ளனர். அந்த நிலை நமக்கு வராது.

நான் வரவும் விடமாட்டேன் என தஞ்சையில் நடந்த தமிழர் கலை இலக்கிய விழாவில் ஜெ.யின் முன்னாள் தோழி சசிகலாவின் கணவரும், ‘புதிய பார்வை’ ஆசிரியருமான நடராஜன் பேசினார். ‘நடராஜன் மருதப்பா’ அறக்கட்டளை சார்பில் பொங்கல் பண்டிகையை முன்னிட்டு ஆண்டு தாறும் தமிழர் கலை இலக்கிய விழா நடத்தப்படுகிறது.

போயஸ் தோட்டத்திலிருந்து சசிகலா குழு துரத்தப்பட்ட நிலையில் தஞ்சையில் இந்த விழா நடக்குமா என்று அனைவரும் எதிர்பார்த்தனர்.

ஆனால், தமிழர் கலை இலக்கிய விழா நேற்று முன்தினம் தொடங்கியது. தஞ்சை மணிமண்டபம் அருகே நடராஜனுக்கு சொந்தமான தமிழரசி திருமண மண்டபம் இடித்த இடத்தில், பிரமாண்டமான மேடை அமைக்கப்பட்டிருந்தது.

விழாவில், மதுரை ஆதீனம் மத்திய நிதி அமைச்சர் பிராணாப் முகர்ஜியின் மைத்துனரும், கிருஷ்ணாம்பட்டினம் துறைமுகம் இயக்குனருமான கிருஷ்ணமோகன், கார்கில் போரில் ஈடுபட்ட கெப்டன் அருண் சக்கரவர்த்தி உட்பட பலர் பங்கேற்றனர்.

சசிகலாவின் கணவர் நடராஜன் அனைவரையும் அறிமுகப்படுத்தி பேசியதாவது :-

‘புன்னகையோடு யார் முகத்தை பார்த்து பேசினாலும், அந்த முகம் மகிழ்ச்சியாக இருக்கும்.

மகிழ்ச்சியோடு வாழ மனிதர்கள் கற்றுக்கொள்ள வேண்டும் அவ்வாறு உலகத்தில் வாழ்ந்தால் துன்பமே இருக்காது’ என்று பாரதிதாசன் தன் கவிதையில் சொல்லியுள்ளார்.

கடந்த 15 ஆண்டாக தமிழர் கலை இலக்கிய விழா நடந்து வருகிறது. இந்த ஆண்டு நடக்குமா நடக்காதா என்று பலர் நினைத்தனர். நான் இல்லையென்றாலும், எனக்கு பின்னாலும் இந்த விழா தொடர்ந்து நடக்கும் அளவுக்கு அறக்கட்டளையை பலப்படுத்தியுள்ளேன் என்பதை அழுத்தம், திருத்தமாக தெரிவித்துக் கொள்கிறேன்.

நம்மை பார்த்து சென்னையில் சங்கமம் விழா நடத்தியவர்கள் எல்லாம் திகார் சிறையில் சங்கமமாகும் நிலையில் உள்ளனர்.

அந்த நிலை நமக்கு வராது, நான் வரவும் விடமாட்டேன். தஞ்சை மக்கள் தமிழ் மக்கள் வளர்ச்சிக்கு என் உயிருள்ள வரை என்றென்றும் பாடுபடுவேன் இவ்வாறு நடராஜன் பேசினார்.

அந்த பெக்டன் இல்லை மேடையில் பேசிய நடராஜன், ‘பொங்கல் விழாவுக்கு தமிழ் மக்களுக்கு வாழ்த்து சொல்ல கொல்கட்டாவிலிருந்து பிரணாப் முகர்ஜியின் மைத்துனர் கிருஷ்ண மோகனும், கார்கில் போரில் போரிட்ட பெக்டன் அருண் சக்கரவர்த்தியும் வந்துள்ளனர். நீங்க நினைக்கும் கெப்டன் இவர் அல்ல. இவர் உண்மையான கெப்டன்’ என்று விஜயகாந்தை மறைமுகமாக குறிப்பிட்டு பேசினார்.

சசிகலா தரப்பு உற்சாகம்: விழாவுக்காக தஞ்சை நகர் முழுவதும் பதாகைகள் வைக்கப்பட்டிருந்தன.

அதில் ‘பட்டம் இல்லாத பேரரசனே’ என்று நடராஜன் இன்னும் மறைமுக சக்தி என்று கூறும் வகையில், அந்த கும்பலே இந்த வாசகங்களை இடம்பெறச் செய்திருந்தது ‘மிக்க துணிவு உண்டு. இளைஞர்கள் பக்கத் துணையுண்டு.

உடன் வர மக்கள் படையுண்டு முடிவெடு தலைவா!’ என்ற உச்சக்கட்ட வாசகங்களும் இடம்பெற்றிருந்தன.

நகர் முழுவதும் இருந்த பிரமாண்ட பதாகைகளை அகற்ற பொலிசார் முயற்சி செய்யவில்லை. இதனால் சசிகலா தரப்பினர் உற்சாகமடைந்துள் ளனர்.