வயது பிரச்சினையில் ராணுவ தளபதிக்கு கட்டாய விடுமுறை: மத்திய அரசு நடவடிக்கை

by **நண்பன்** Wed 18 Jan 2012 - 10:37

வயது பிரச்சினையில் ராணுவ தளபதிக்கு கட்டாய விடுமுறை அளிக்க மத்திய
அரசு முடிவு செய்துள்ளது. இந்திய ராணுவ தலைமை தளபதியாக ஜெனரல் வி.கே.சிங்
இருந்து வருகிறார். தற்போது அவர் வயது பிரச்சினையில் சிக்கிக்கொண்டுள்ளார்.

ராணுவ
ஜெனரல் அலுவலகம் பராமரிக்கும் ஆவணத்தில் வி.கே.சிங் பிறந்த நாள் மே 10,
1951 என்றும், ராணுவ செயலக ஆவணத்தில் மே 10, 1950 என்றும்
குறிப்பிடப்பட்டுள்ளது. இதனால் சர்ச்சை ஏற்பட்டுள்ளது. அவரது உண்மையான வயது
தெரியாத நிலையில் பதவியில் நீடிப்பதால் அவர் பிறப்பிக்கும் உத்தரவுகள்
செல்லுமா? என்ற கேள்வி எழுந்தது.

அவருக்கும் ராணுவ
அமைச்சகத்துக்கும் இடையே பனிப்போர் நடந்து வருகிறது. இந்த விவகாரம்
தொடர்பாக மத்திய அரசை எதிர்த்து சுப்ரீம் கோர்ட்டில் வி.கே.சிங் மனு
தாக்கல் செய்துள்ளார்.

நாளை மறுநாள் (வெள்ளிக்கிழமை)
இந்த மனு விசாரணைக்கு வருகிறது. இந்த பிரச்சினை குறித்து நிதி மந்திரி
பிரணாப் முகர்ஜி, காங்கிரஸ் தலைவர் சோனியா காந்தியுடன் ஆலோசனை நடத்த
இருக்கிறார். ராணுவ தளபதி வி.கே.சிங் தனது பிறந்த வருடம் 1950 என்பதில்
உறுதியாக இருக்கிறார்.

ஆனால் ராணுவ செயலகம் இதை
ஏற்க மறுத்து விட்டது. ராணுவ மந்திரி ஏ.கே.அந்தோணியும் இதை நிராகரித்து
வி.கே.சிங்குக்கு கடிதம் எழுதினார். இந்த விவகாரத்தில் மேலும் சிக்கல்
எழாமல் இருக்க வி.கே.சிங்கை கட்டாய விடுமுறையில் செல்லுமாறு உத்தரவிட
மத்திய அரசு முடிவு செய்துள்ளது.

வயது விவகாரத்தால்
அவர் ஓய்வு பெறுவது தள்ளிப்போய் பதவியில் நீடிக்கிறார். நாடு சுதந்திரம்
அடைந்த பின் வயது பிரச்சினையில் ராணுவ தளபதி சிக்கி இருப்பது இதுவே முதல்
முறையாகும்.

மாலை மலர்