கடனை திருப்பிக் கொடுக்காததால் வயிற்றை அறுத்து கொலை: அதிர்ச்சி ரிப்போர்ட்!

by **நண்பன்** Sat 22 Jan 2011 - 8:40

கடனாக கொடுத்த பணத்தை வெகுநாட்கள் ஆகியும் திருப்பிக் கொடுக்காததால், ஆத்திரத்தில் வயிற்றை அறுத்து கொலை செய்துள்ளார் பிரேந்தர்.

பீகார் மாநிலத்தைச் சேர்ந்தவர் பிரேந்தர்
குமார். இவர் தற்போது டெல்லியில் தங்கி இருக்கிறார். இவர் வட்டிக்கு பணம்
கொடுத்து வாங்குபவர்.
லல்லன் குமார் மண்டல் என்பவர் டெல்லியைச் சேர்ந்தவர். இவர் தன் பணத்
தேவைக்காக, பிரேந்தர் குமாரிடம் இருந்து ஸீ63,000 என்ற தொகையை கடனாக
வாங்கினார்.
நீண்ட நாள்கள் ஆகியும், லல்லன் பணத்தை திரும்பக் கொடுக்கவே இல்லை.
பிரேந்தர் பணத்தைக் கேட்கும் போதெல்லாம் சில நாட்கள் கழித்து பணம்
தருகிறேன் என்றே லல்லன் சொல்லி வந்தார்.
இதனால் ஆத்திரமடைந்த பிரேந்தர், லல்லனை தன் இருப்பிடத்திற்கு
வரவழைத்தார். மறுபடியும், அவர் கடனை திருப்பிக் கேட்டார். அப்போதும்,
வழக்கம்போல இன்னும் சில தினங்களில் கொடுத்துவிடுவதாக லல்லன் கூறினார்.
இதைத்தொடர்ந்து, பிரேந்தரும் அவரது பணியாளர்களும் சேர்ந்து லல்லனை
அடித்து உதைத்தனர். இருப்பினும், ஆத்திரம் தாளாத பிரேந்தர் கத்தியை
எடுத்து, லல்லனின் வயிற்றை அறுத்துள்ளார்.
வலி தாங்க முடியாத லல்லன், சம்பவ இடத்திலேயே சுருண்டு விழுந்து
பரிதாபமாக இறந்தார். அதன்பின், லல்லனின் உடலை உஸ்மான்பூரில் உள்ள யமுனை
ஆற்றில் கொண்டு போய் போட்டுவிட்டனர்.
லல்லனைக் காணாததால், போலீசில் அவரது தம்பி புகார் கொடுத்திருந்தார்.
அந்த புகாரில், சம்பவத்தினத்தன்று லல்லனை பிரேந்தர் வந்து அழைத்துச்
சென்றதாக அதில் குறிப்பிட்டிருந்தார்.
அதன் அடிப்படையில், பிரேந்தர் குமாரிடம் போலீசார் விசாரணை நடத்தினர்.
விசாரணையின் போது, லல்லனைக் கொன்று யமுனை ஆற்றில் வீசியதை பிரேந்தர் குமார்
ஒப்புக் கொண்டார்.
இதைத்தொடர்ந்து, போலீசார் பிரேந்தர் குமாரை கைது செய்தனர்.