நடிகை சாவித்திரியுடன் என்னை ஒப்பிட வேண்டாம்: திரிஷா

விஜய், அசின் ஜோடியாக நடித்த காவலன் படம் தெலுங்கில் பாடிகார்ட் என்ற பெயரில் ரீமேக் ஆனது. விஜய் வேடத்தில் வெங்கடேசும் அசின் கேரக்டரில் திரிஷாவும் நடித்தனர். இப்படம் தற்போது ரிலீ சாகி ஒடிக்கொண்டிருக்கிறது.

திரிஷா சிறப்பான நடிப்பை வெளிப்படுத்தி இருப்பதாக பாராட்டுகள் குவிகிறது. இது குறித்து திரிஷா அளித்த பேட்டி வருமாறு:-

சினிமாவில் நல்ல வேடங்கள் எப்போதாவதுதான் அமைகிறது. தெலுங்கில் தயாரான பாடிகார்ட் படத்தின் கதை ரொம்ப பிடித்தது. அதில் எனது கேரக்டர் உணர்வுகளை வெளிப்படுத்தும் வகையில் வலுவாக அமைந்தது. நான் சிறப்பாக நடித்து இருப்பதாக நிறைய பாராட்டுகள் வருகின்றன.

பழம்பெரும் நடிகை சாவித்திரி, மறைந்த நடிகை சவுந்தர்யா போன்றோருடன் என்னை ஒப்பிட்டும் பாராட்டுகின்றனர். இப்படி பாராட்டுவதை பெரிய கவுரவமாக கருதுகிறேன். இரு நடிகைகளும் திரையுலகில் சகாப்தமாக வாழ்ந்தவர்கள். எனவே அவர்களோடு என்னை ஒப்பிடுவதை நான் ஏற்கவில்லை.

சமீப காலத்தில் எனக்கு கிடைத்த நல்ல வேடமாக இதை கருதுகிறேன். தெலுங்கு சினிமா எனக்கு முக்கியத்துவம் வாய்ந்ததாக உள்ளது. அங்கு நல்ல வேடங்கள் எனக்கு கிடைக்கின்றன. மங்காத்தா படத்தில் எனது சொந்த குரலில் டப்பிங் பேசினேன். அதுபோல் விஷால் ஜோடியாக நடிக்கும் சமரன் படத்திலும் என் குரலிலேயே டப்பிங் பேச உள்ளேன். இவ்வாறு திரிஷா கூறினார்.

:”@: