ஜெயலலிதாவுக்கு அத்வானி பாராட்டு

ஜெயலலிதாவுக்கு அத்வானி பாராட்டு
மாநில அரசுகளை சர்வாதிகார போக்கு டன் நடத்தும் மத்திய அரசின் அணுகு முறையை தேசிய வளர்ச்சிக் கவுன்சில் கூட்டத்தில் கண்டித்துப் பேசிய தமிழக முதல்வர் ஜெயலலிதாவை பா.ஜ.க. மூத்த தலைவர் அத்வானி பாராட்டியுள்ளார்.

மத்திய அரசு மாநிலங்களை பங்குதாரர் களாக கருதுகிறதா? மாநிலங்களுக்கு சமமான இடமளிக்கிறதா? அவர்களின் கருத்துக்கு மதிப்பளிக்கிறதா? என்று தமக்கு சந்தேகமாக உள்ளதாக தமிழக முதல்வர் ஜெயலலிதா கூறியுள்ளதை அவர் தனது வலைப் பூவில் சுட்டிக்காட்டியுள்ளார்.

பாஜகவின் இயல்பான கூட்டாளியாக அ.தி.மு.க. உள்ளது. தேசிய ஜனநாயக கூட்டணியில் அ.தி.மு.க இடம்பெறாத போதிலும், நாடாளுமன்ற நடவடிக்கைகளில் பா.ஜ.கவுடன் ஒத்துழைப்புடன் செயல் படுகிறது என்று குறிப்பிட்டுள்ளார்.

ஜன சேத்னா யாத்திரை மேற்கொண்டபோது தமக்கு எதிரான வெடிகுண்டு மிரட் டலை முறியடித்த தமிழக அரசுக்கு அவர் நன்றி தெரி வித்துக் கொள்வதாகவும் அதில் அவர் கூறியுள்ளார்.

மத்தியில் ஆளும் ஐக்கிய முற்போக்கு கூட்டணி அரசு மாநில அரசுகளை சர்வாதிகாரப் போக்குடன் நடத்துகிறது. மாநிலங்களை வலுவானதாக்குவது மத்திய அரசை பலவீனமாக்குவதாக அர்த்தமாகாது. நமக்கு வலுவான மத்திய அரசு வேண்டும். வலுவான மாநிலங்கள் அமையாமல், வலுவான மத்திய அரசு அமைய இயலாது.

லோக்பால் மற்றும் மாநிலங்களுக்கான லோக் ஆயுக்த மசோதாவை காங்கிரஸ் அரசு கொண்டு வர முற்பட்டபோதும் இதே ஆதிக்கப் போக்கு வெளிப்பட்டது. இதை பா.ஜ.க. மற்றும் அதன் கூட்டணி கட்சிகளுடன் அ.தி.மு.கவும், காங்கிரஸின் முக்கிய கூட்டாளியான திரிணமூல் காங்கிரஸ் எதிர்த்தன. உண்மை என் வென்றால் கடந்த காலங்களில் இருந்து காங்கிரஸ் பாடம் கற்கவில்லை. நாட்டை ஆளும் உரிமை தங்களுக்கு மட்டுமே உள்ளதாக காங்கிரஸ் இன்னும் நம்புகிறது. தன்னைத் தானே ஏமாற்றிக் கொள்கிறது.

ஜனநாயகத்தை நம்புவோரும், ஆரோக்கியமான மத்திய மாநில உறவுகளை விரும்புவோரும் ஒன்று சேர்ந்து இந்த ஆதிக்க மனப்பான்மையை தகர்க்க வேண்டும் என்று அவர் கூறியுள்ளார்.