பரீட்சை திணைக்களத்தை அழைக்க தொலைபேசி இலக்கம் 1911

by *சம்ஸ் Tue 24 Jan 2012 - 6:34

பரீட்சை திணைக்களத்தை அழைக்க தொலைபேசி இலக்கம் 1911
லக்ஷ்மி பரசுராமன்
பரீட்சைகள் திணைக்களம் மாணவர்களின் நன்மை கருதி ‘1911’ எனும் உடனடி தொலைபேசி வசதியினை நேற்று முதல் ஆரம்பித்து வைத்துள்ளது.

முதற்கட்டமாக காலை 8 மணி முதல் இரவு 8 மணி வரை அனைத்து நாட்களிலும் இச்சேவைக்காக தொடர்பு கொள்ள முடிவதுடன் மாணவர்கள் தமது தாய்மொழியிலேயே உரையாட முடியுமெனவும் பரீட்சைகள் ஆணையாளர் நாயகம் புஸ்பகுமார தெரிவித்தார்.

மாணவர்களுக்கு பரீட்சைகள் தொடர் பிலான சந்தேகங்கள், முறைப்பாடுகள் அல்லது பிரச்சினைகள் இருப்பின் மேற் கண்ட தொலைபேசி இலக்கத்துடன் தொடர்பு கொண்டு தமது பிரச்சினைகளை முன்வைப்பதன் மூலம் நாம் அவற்றுக்கான தீர்வினைப் பெற்றுக்கொடுப்பதற்காகவே நேற்று முதல் இச்சேவையினை உத்தியோக பூர்வமாக ஆரம்பித்து வைத்துள்ளோமெனவும் அவர் கூறினார்.

உடனடி தொலைபேசியான ‘1911’ என்ற இலக்கத்துடன் தொடர்பு கொண்டு அனைத்துப் பரீட்சை தொடர்பான சந் தேகங்களையும் பரீட்சார்த்திகள் தீர்த்துக் கொள்ள முடியும்.

கல்வியமைச்சர் பந்துல குணவர்தனவின் வேண்டுகோளின் பேரிலேயே இந்த உடனடி தொலைபேசி வசதியினை ஆரம்பித்து வைத்திருப்பதாகவும் அவர் தெரிவித்தார்.