வருத்தம்

by **கவினா** Tue 24 Jan 2012 - 14:20

வீட்டுக்குள் நுழைந்ததுமே
தங்கச்சி கத்துவாள்.
"அம்மா
அண்ணன் வந்திரிச்சி"

அடுக்களையிலிருந்து
தனது ஈரக்கைகளை
முந்தானையால் துடைத்தபடி
ஓடிவரும் அம்மா
சோர்ந்தயென் முகத்தை பார்த்ததுமே
கேட்பாள்
"என்னய்யா ஆச்சு இண்டர்வியு"

கிடைக்கவில்லையென்பதாய்
பிதுங்குமென் உதடுகளை பார்த்து
எல்லாமுகத்திலும் சோகம்படியும்.

"இந்த வேலை இல்லன்னாயென்ன
அடுத்த வேல கண்டிப்பா கிடைக்கும்
வருத்தபடாம
வேற வேலைக்கு ட்ரை பண்ணு" -என
என் தோளில்
கை போடுவார் அப்பா.

"ம்ம் என்ன பண்றது
உனக்கு இந்த வேல கெடச்சிட்டா
அடுத்த வருஷமாச்சும்
இவ கல்யாணத்த முடிச்சிரலான்னு
நெனச்சேன்.
தள்ளிகிட்டே போகுது.
பாவம், நீயென்ன பண்ணுவ.
மனச மட்டும் தளர விட்ராதய்யா" -என
என் தாடையை பிடித்து
கெஞ்சுவாள் அம்மா.

"போனா போகட்டும் விடுண்ணா
நீ வா சாப்புடலாம்" - என
என் கையை பிடித்து
இழுப்பாள் தங்கை.

இவர்களுக்கு எப்படி புரிய வைப்பேன்
நான் கொண்டிருக்கும் வருத்தம்
கிடைக்காமல் போன
வேலை குறித்தல்ல
இன்று கடற்கரைக்கு வராமல்போன
காதலியை நினைத்தென்று?

by **நண்பன்** Tue 24 Jan 2012 - 14:25

இந்தக் காலத்து இளைஞர்கள் சிலர் இப்படித்தான் உள்ளார்கள் நம்பிக்கை வைத்துள்ள குடும்பம் அவர்களுக்கு பெரிதல்ல ஆனால் அவர்கள் கவலையே வேற {))
படிப்பினை உள்ளது உங்கள் கவி வரிகளில்
பாராட்டுக்கள் உறவே
நன்றியுடன்
நண்பன்.

by **பானுஷபானா** Tue 24 Jan 2012 - 15:17

இவர்களுக்கு எப்படி புரிய வைப்பேன்
நான் கொண்டிருக்கும் வருத்தம்
கிடைக்காமல் போன
வேலை குறித்தல்ல
இன்று கடற்கரைக்கு வராமல்போன
காதலியை நினைத்தென்று?

கவிதை அருமை வருத்தம் 741156

by **ahmad78** Tue 24 Jan 2012 - 15:20

இவர்களுக்கு எப்படி புரிய வைப்பேன்
நான் கொண்டிருக்கும் வருத்தம்
கிடைக்காமல் போன
வேலை குறித்தல்ல
இன்று கடற்கரைக்கு வராமல்போன
காதலியை நினைத்தென்று?

இன்றைய பெரும்பாலான இளைஞர்களின் நிலை சுயநலமாகவே உள்ளது

by **gud boy** Tue 24 Jan 2012 - 18:19

அருமையான கவிதை...

இன்றைய இளைஞர்கள் சிந்திக்கட்டும்..

by *சம்ஸ் Tue 24 Jan 2012 - 21:26

இந்தக் காலத்து இளைஞர்கள் சிலர் இப்படித்தான் உள்ளார்கள் நம்பிக்கை வைத்துள்ள குடும்பம் அவர்களுக்கு பெரிதல்ல ஆனால் அவர்கள் கவலையே வேறு.

நிதர்சன வரிகள் நண்பரே வாழ்த்துக்கள்