16 அடி நீள திமிங்கிலம் காத்தான்குடியில் ஒதுங்கியது

by *சம்ஸ் Mon 30 Jan 2012 - 6:43

16 அடி நீள திமிங்கிலம் காத்தான்குடியில் ஒதுங்கியது

புதிய காத்தான்குடி தினகரன் நிருபர்
காத்தான்குடி கடற்கரையில் நேற்று ஞாயிறுக்கிழமை (29) அதிகாலை பாரிய திமிங்கிலம் ஒன்று கரையொதுங்கியுள்ளது.

இதை அவதானித்த மீனவர்களும் பொது மக்களும் காத்தான்குடி பொலிஸாருக்கு அறிவித்ததையடுத்து மீனவர்களும், பொதுமக்களும், பொலிஸாரும் இணைந்து இந்த திமிங்கிலத்தை கரைக்கு கொண்டு வந்தனர். இந்த பாரிய திமிங்கிலம் 16 அடி நீளமும், ஆறு அடி அகலமும் உடையது.

இந்த கரையொதுங்கிய திமிங்கிலத்தை பார்வையிட பெருமளவிலான பொதுமக்கள் காத்தான்குடி கடற்கரையை சூழ்ந்திருந்தனர்.

ஸ்தலத்திற்கு விஜயம் செய்த மாவட்ட உதவி பொலிஸ் அத்தியட்சகர் மற்றும் பொலிஸ் இராணுவ உயரதிகாரிகள் இந்த திமிங்கிலத்தை பார்வையிட்டனர்.

இவ்வாறான பாரிய திமிங்கிலம் காத்தான்குடி கடற்கறையில் கரை ஒதுங்கியது இதுவே முதற் தடவையாகும் என மீனவர்கள் தெரிவித்தனர்.

காத்தான்குடி கடற்கறையில் நேற்று அதிகாலை (ஞாயிற்றுக்கிழமை) கரையொதுங்கிய 16 அடி நீளமும், ஆறு அடி அகலமும் கொண்ட பாரிய திமிங்கில மீனையும் அதை மீனவர்கள் கரைக்கு இழுக்கும் முயற்சியில் ஈடுபடுவதையும் மேற்படி படங்களில் காணலாம்.

(படம்- புதிய காத்தான்குடி தினகரன் நிருபர்)