இனிமேல் இரவு 10.30 வரை குடிக்கலாம்: தமிழக அரசு தாராளம்!

தமிழகத்தில் அரசின் சார்பில் செயல்பட்டு வரும் டாஸ்மாக் மதுபானக்கடைகள் தமிழகளவில் அதிக இடங்களில் பள்ளிக்கூடம், மருத்துவமனை, வழிப்பாட்டு தலங்கள், பேரூந்து நிலையத்திற்கு அருகாமையில் அமைந்துள்ளது.
இதனால் பொதுமக்கள் பல்வேறு சிக்கல்களுக்கு ஆளாகின்றனர். சட்டம் –ஒழுங்கு பிரச்சனைகளும் ஏற்படுகிறது. இட மாற்றம் செய்யவேண்டும் என்று போராடியும் வருகின்றனர்

தமிழகம் முழுவதும் 6,500-க்கும் மேல் மதுக்கடைகள் செயல்பட்டு வருகின்றன. கடைகளுடன் பார் வசதியும் அளிக்கப்பட்டுள்ளது. டாஸ்மாக் கடைகள் காலை 10 மணி முதல் இரவு 10 மணி வரை செயல்பட்டு வருகிறது. இரவு 10 மணிக்கு கடைகளும், பார்களும் கட்டாயம் மூடி விட வேண்டும் என்பது அரசின் உத்தரவாகும்.

அதற்கு மேல் கடைகளோ, பார்களோ செயல்பட அனுமதி இல்லை. ஆனால் 10 மணிக்கு மது பாட்டில் வாங்குபவர்கள் பாரில் உட்கார்ந்து சாப்பிட முடியாத நிலை உள்ளது.

கடை மூடப்படும் நேரத்தில் வரும் மது குடிப்போர்கள் மதுபானங்களை வாங்கி விட்டு அவற்றை அருந்த முடியாமல் ரோட்டில் உட்கார்ந்து சாப்பிடுகிறார்கள்..

இதனால் மது குடிப்போர்களின் வசதிக்காக 30 நிமிடம் பார்களின் நேரத்தை நீட்டிக்க அரசு முடிவு செய்துள்ளது. இரவு 10 மணி வரை செயல்பட்ட பார்கள் இனி 10.30 மணி வரை இயங்க அரசு பரிசீலித்து வருகிறது. இதற்கான உத்தரவு விரைவில் வெளியாகும் என்று எதிர்பார்க்கப்படுகிறது.

ராத்திரி பன்னிரண்டு மணிக்கு மதுக்கடைகளை அடைக்க வேண்டுமென்று சொன்னாலும் கடை அடைக்கும் நேரத்தில் குடிமகன்கள் வந்துகொண்டேதான் இருப்பார்கள். இப்படி நேரத்தை நீட்டிக்கொண்டு போவது அரசின் கையாலாகாத தனம்தான். கஜான நிரப்ப அரைமணி நேரம் அதிகப்படுத்தி இருக்கிறார்கள். வேறொன்றுமில்லை.

யாதுமானவள் wrote:ராத்திரி பன்னிரண்டு மணிக்கு மதுக்கடைகளை அடைக்க வேண்டுமென்று சொன்னாலும் கடை அடைக்கும் நேரத்தில் குடிமகன்கள் வந்துகொண்டேதான் இருப்பார்கள். இப்படி நேரத்தை நீட்டிக்கொண்டு போவது அரசின் கையாலாகாத தனம்தான். கஜான நிரப்ப அரைமணி நேரம் அதிகப்படுத்தி இருக்கிறார்கள். வேறொன்றுமில்லை.

@. @. @.