இஸ்ரேலின் கைதுக்கு எதிராக பலஸ்தீனர் உண்ணாவிரதம்

இஸ்ரேலின் கைதுக்கு எதிராக பலஸ்தீனர் உண்ணாவிரதம்
இஸ்ரேலால் கைது செய்யப்பட்டதற்கு எதிராக கடந்த 50 நாட்களுக்கு மேலாக உண்ணாவிரதத்தில் ஈடுபட்டுள்ள பலஸ்தீனின் காலித் அத்னன் என்பவர் உயிராபத் திற்கு உள்ளாகியுள்ளதாக அவரது ஆதரவாளர்கள் குறிப்பிட்டுள்ளனர்.

பலஸ்தீனின் இஸ்லாமிய ஜிஹாத் என்ற அமைப்பின் தலைவர் என நம்பப்படும் காலித் அத்னன் மேற்குக் கரையில் இஸ்ரேல் இராணுவத்தின் சுற்றிவளைப்பின் போது கைது செய்யப்பட்டார். இதனைத் தொடர்ந்து கடந்த டிசம்பர் நடுப்பகுதியில் இருந்து தான் கைது செய்யப்பட்டதற்கு எதிராக உண்ணாவிரதத்தில் ஈடுபட்டுவருகிறார்.

எந்த விசாரணையும் இன்றி சிறைப்படுத்தப்பட்டுள்ள அத்னன் உண்ணாவிரதப் போராட்டத்தால் அவரது உயிருக்கு ஆபத்து ஏற்பட்டுள்ளதாக சர்வதேச மன்னிப்புச்சபை கூறியுள்ளது. அத்னன் இராணுவப் பாதுகாப்பிற்கு மத்தியில் மருத்துமனையில் உள்ளார் என மன்னிப்புச் சபை குறிப்பிட்டுள்ளது.

கடந்த டிசம்பர் 17 ஆம் திகதி ஆக்கிரமிப்பு மேற்குக்கரையில் உள்ள அவரது வீட்டில் வைத்து அத்னன் இஸ்ரேல் இராணுவத்தினரால் கைது செய்யப்பட்டார். அவரை நான்கு மாதத்திற்கு தடுத்துவைக்க இஸ்ரேல் இராணுவ நீதிமன்றம் கடந்த ஜனவரி 10ஆம் திகதி உத்தரவிட்டது. இதன்படி வரும் மே 8ஆம் திகதிவரை அவரது சிறைக்காலம் நீடிக்கப்பட்டுள்ளது.

எனினும் அது புதுப்பிக்கப்பட வாய்ப்பு உள்ளதாக மன்னிப்புச் சபை கூறியுள்ளது. இந்நிலையில் அத்னனுக்கு மருத்துவ வசதிகள் சரிவர செய்து கொடுக்கப்படவில்லை என அவரது மனைவி ரென்டா முறைப்பாடு செய்துள்ளார். அவர் குளிப்பதற்கோ, குளிரான காலத்தில் அதற்கு தேவையான உடை அணிவதற்கோ அனுமதிக்கப்படவில்லை என அவரது மனைவி குறிப்பிட்டுள்ளார்.

இந்த மனிதாப இல்லாத மிருகங்களை எதிர்த்து உண்ணாவிரதம் இருந்தால் என்ன நடக்கும்சார்