நக்கீரன் கோபாலை கைது செய்யக் கூடாது

நக்கீரன் கோபாலை கைது செய்யக் கூடாது
உயர் நீதிமன்றம் தீர்ப்பு
முதல்வர் ஜெயலலிதா பற்றி அவதூறான செய்தியை வெளியிட்டது பற்றிய புகார்கள் தொடர்பான வழக்கில் நக்கீரன் ஆசிரியர் கோபாலை கைது செய்யக் கூடாது என்று சென்னை உயர் நீதிமன்றம் உத்தரவிட்டது.

முதல்வர் ஜெயலலிதா பற்றி உண் மைக்குப் புறம்பான செய்தியை நக்கீரன் இதழ் வெளியிட்டதாகக் கூறி அதன் ஆசி ரியர் கோபால் மீது தமிழகத்தின் பல் வேறு காவல் நிலையங்களில் அ.தி.மு.க. வினர் புகார் அளித்தனர். இது தொடர்பாக சென்னை ஜாம் பஜார் காவல் நிலையத்தில் பதிவு செய்யப்பட்ட வழக்கில் கோபாலை கைது செய்யாத வகையில் அவருக்கு முன் ஜாமீன் வழங்கி உயர் நீதிமன்றம் உத்தர விட்டது. இதேபோல் தமிழகத்தில் 200 க்கும் மேற்பட்ட காவல் நிலையங்களில் பதிவு செய்யப்பட்ட அனைத்து வழக்குகளையும் சென்னை ஜாம் பஜார் காவல் நிலையத்துக்கு மாற்ற வேண்டும் என்று கோரி உயர் நீதிமன்றத்தில் கோபால் மனுத் தாக்கல் செய்தார்.

இந்த மனு தலைமை நீதிபதி எம்.ஓய். இக்பால், நீதிபதி டி.எஸ். சிவஞானம் ஆகியோரைக் கொணட முதன்மை அமர்வு முன்னிலையில் வியாழக்கிழமை விசாரணைக்கு வந்தது. அப்போது அரசுத் தரப்பில் ஆஜரான அரசு தலைமை வழக்குரைஞர் ஏ. நவநீத கிருஷ்ணன், இந்த மனு தொடர்பாக பதில் மனு தாக்கல் செய்ய இரண்டு வாரம் கால அவகாசம் அளிக்க வேண்டும் என்று கேட்டுக்கொண்டார்.