ஆஉறுப்பினர்கள் மற்றும் அமைச்சர்களுக்கு பாதுகாப்பு அமைச்சின் விசேட செயலமர்வு

by **முனாஸ் சுலைமான்** Wed 22 Feb 2012 - 5:40

அமைச்சர்கள் மற்றும் ஐக்கிய மக்கள் சுதந்திர கூட்டமைப்பின் நாடாளுமன்ற உறுப்பினர்களுக்கு பாதுகாப்பு அமைச்சினால், தியத்தலாவ பாதுகாப்பு கல்லூரியில் இரண்டு நாள் செயலமர்வு ஒன்றினை நடத்த ஏற்பாடுகள் செய்யப்பட்டுள்ளமை தொடர்பில், ஆளும் கட்சி நாடாளுமன்ற உறுப்பினர்கள் பலரும் கேள்வியெழுப்பியுள்ளதாக சிரேஷ்ட அமைச்சரொருவர் தெரிவித்துள்ளார்.
மார்ச் 3ஆம் மற்றும் 4ஆம் திகதிகளை நடைபெறவுள்ள இந்த செயலமர்வினை நுவரெலியாவில் நடத்த முன்னர் தீர்மானிக்கப்பட்ட போதும் நாடாளுமன்ற உறுப்பினர் நாமல் ராஜபக்ஸவின் அறிவுறுத்தலுக்கிணங்க, பாதுகாப்பு காரணங்களுக்காகவே தியதலாவ பாதுகாப்பு கல்லூரி தெரிவு செய்யப்பட்டதாக அரச அதிகாரிகள் தெரிவித்துள்ளனர்.

இந்த இரண்டு நாள் செயலமர்வில் ஜனாதிபதி மஹிந்த ராஜபக்ஸ, பாதுகாப்பு செயலாளர் கோத்தபாய ராஜபக்ஸ, அமைச்சர்கள் மற்றும் நாடாளுமன்ற உறுப்பினர்கள் கலந்துகொள்வார்கள் என எதிர்பார்க்கப்படுகின்றது.

இந்த செயலமர்வின் ஆரம்ப நிகழ்வில் பாதுகாப்பு செயலாளர் கோத்தபாய ராஜபக்ஸ பிரதான உரையாற்றவுள்ளதுடன் பாதுகாப்பு உயர் அதிகாரிகள் பலரும் உரையாற்றவுள்ளனர்.
இந்த செயலமர்வில் தொடர்பான பிரதான நோக்கம் இதுவரை தெரியாதுள்ளது என சிரேஷ்ட அமைச்சரொருவர் குறிப்பிட்டுள்ளார்.

இது போன்ற செயலமர்வுகளை நாடாளுமன்ற உறுப்பினர்களுக்கு பாதுகாப்பு ஏற்பாடு செய்வது தொடர்பில் நாடாளுமன்ற நிலையியல் கட்டளை சட்டத்திலோ அல்லது பொது சட்டத்திலோ தேட முடியாதுள்ளதாக குறித்த சிரேஸ்ட தெரிவித்துள்ளார்.

இந்த இரண்டு நாள் செயலமர்வுக்காக தியத்தெலாவ பிரதேச பாதுகாப்பு நடவடிக்கைகள் பலப்படுத்தப்பட்டுள்ளது.

இதேவேளை, நகர அபிவிருத்தி அதிகார சபையின் உத்தரவிற்கிணங்க பாதுகாப்பு காரணங்களுக்காக சட்டவிரோத குடியிறுப்பாளர்களை அகற்றும் நடவடிக்கையில் ஈடுபட்டுள்ளதாக தியதலாவ பிரதேச சபை தலைவர் என்.ஜே.சமன்குமார தெரிவித்தார்.