மாப்பிள்ளை பிடிக்காததால் விரக்தி பட்டதாரி பெண் தீக்குளித்து சாவு !!

by **mufees** Fri 24 Feb 2012 - 14:59

கொடுங்கையூர் கண்ணதாசன் நகர் 9-வது பிளாக் சசிரேகாம்மாள் நகர் பகுதியை சேர்ந்தவர் ராமலிங்கம். மின்வாரிய ஊழியரான இவர், கடந்த ஆண்டு உடல்நல குறைவால் இறந்துவிட்டார். மனைவி மல்லிகா, 2 மகன் மற்றும் மகளுடன் தனியாக வசிக்கிறார். மகள் மகாலட்சுமி (23), பிசிஏ படித்துள்ளார்.

அவருக்கு தாய் மல்லிகா வரன் பார்த்து வந்தார். கல்பாக்கத்தில் வசிக்கும் தனது மருமகளின் தம்பி வேலுவுக்கு (26) மகாலட்சுமியை திருமணம் செய்து வைக்க மல்லிகாவும் குடும்பத்தினரும் முடிவு செய்தனர்.

வேலு 9-ம் வகுப்பு வரை மட்டுமே படித்துள்ளார். இந்த திருமண ஏற்பாடு மகாலட்சுமிக்கு பிடிக்கவில்லை என கூறப்படுகிறது. எனினும் பெரியவர்கள் பேச்சை மீற முடியாமல் தவித்து வந்தார்.

இந்நிலையில், நேற்று யாரிடமும் பேசாமல் இருந்த மகாலட்சுமி, இன்று அதிகாலை 2.30 மணிக்கு பாத்ரூமுக்கு சென்று உடலில் மண்ணெண்ணெய் ஊற்றி தீ வைத்துக் கொண்டார்.

அலறல் சத்தம் கேட்டு வீட்டில் உள்ளவர்கள் எழுந்து அவரை காப்பாற்ற முயன்றனர். அதற்குள் மகாலட்சுமி தீயில் கருகி பரிதாபமாக இறந்தார். புகாரின் பேரில் கொடுங்கையூர் போலீசார் வழக்கு பதிவு செய்து விசாரிக்கின்றனர்.
மாப்பிள்ளை பிடிக்காததால் விரக்தி பட்டதாரி பெண் தீக்குளித்து சாவு !! Mapillai