பின்லேடனை காட்டிக் கொடுத்த மருத்துவருக்கு தங்க பதக்கம்

by **mufees** Fri 24 Feb 2012 - 15:48

பாகிஸ்தானின் அபோதாபாத்தில் ஒசாமா பின்லேடன் பதுங்கியிருந்ததை காட்டிக் கொடுத்த மருத்துவர் ஷகீல் அப்ரிடிக்கு தங்க பதக்கம் அளித்து கௌரவிக்க வேண்டும் என கோரிக்கை விடுக்கப்பட்டுள்ளது.
அமெரிக்க குடியரசுக் கட்சியைச் சேர்ந்த காங்கிரஸ் உறுப்பினர் டனா ரோரபேச்சர், சமீபத்தில் பலுசிஸ்தானுக்கு சுயாட்சி உரிமை கோரி காங்கிரசில் பிரேணனை தாக்கல் செய்து பரபரப்பைக் கிளப்பியவர். அத்துடன் அமெரிக்காவின் எதிரியான பாகிஸ்தானுக்கு இரு முகங்கள் உண்டு என கடும் விமர்சனம் செய்தவர்.

இந்நிலையில் இவர் அளித்த பேட்டியில், பின்லேடன் எங்கிருக்கிறார் என அமெரிக்காவிற்கு தெரிவித்த மருத்துவர் அப்ரிடிக்கு காங்கிரசின் தங்க பதக்கம் அளிக்கப்பட்டு அவர் அமெரிக்க குடிமகனாக ஆக்கப்பட வேண்டும் என கோரிக்கை விடுத்தார்.

பாகிஸ்தான் உளவுத்துறை அதிகாரிகளால் கைது செய்யப்பட்ட அப்ரிடி, தற்போது எங்கு உள்ளார் என்பது குறித்து தகவல் ஏதுமில்லை என்பது குறிப்பிடத்தக்கது. பின்லேடனை காட்டிக் கொடுத்த மருத்துவருக்கு தங்க பதக்கம் Osamabinladen_006