ஜேர்மனியில் சர்க்கஸ் கங்காரு ஏற்படுத்திய பரபரப்பு (படங்கள் இணைப்பு)

by **ADNAN** Sat 7 Apr 2012 - 10:01

ஜேர்மனி நாட்டில் உள்ள ரோடன்பர்க் நகரில் சர்க்கஸ் குழுவினர் முகாமிட்டிருந்தனர். அங்கிருந்த கங்காரு ஒன்று தப்பி திடீரென்று ஊருக்குள் புகுந்தது.

அது முக்கிய சாலையில் வாகனங்களுக்கு இடையே அங்கும் இங்குமாக ஓடியது. கார்களுக்கு மேல் தாவி குதித்தது. இதை வேடிக்கை பார்க்க பெரும் கூட்டம் கூடியது.

இதனால் போக்குவரத்து பாதிப்பு ஏற்பட்டதால் இதையறிந்த சர்க்கஸ் பயிற்சியாளர்கள், பொலிசார், வனவிலங்கு காப்பக நிபுணர்கள் இந்த பகுதிக்கு விரைந்து வந்தனர்.

இவர்களுக்கு சற்றுநேரம் டிமிக்கி கொடுத்து விளையாடிய கங்காரு கடைசியாக ஒரு சூப்பர் மார்க்கெட்டில் நுழைந்து அங்குள்ள கார் பார்க்கிங் பகுதியில் பதுங்கி கொண்டது.

அதன் பின்பு அதை வளைத்து பிடித்து சர்க்கஸ் கூடாரத்துக்கு மீண்டும் கொண்டு சென்றனர். இந்த கங்காரு கடும் சேட்டை செய்தாலும் யாருக்கும், எந்தவித தொந்தரவும் கொடுக்வில்லை என பொலிஸ் அதிகாரி கூறினார். அது விபத்தில் சிக்காமல் தப்பியதால் சர்க்கஸ் நிர்வாகிகளும் மகிழ்ச்சி அடைந்தனர்.