இருளில் மூழ்கப் போகிறது இலங்கை!

by **mufees** Mon 28 May 2012 - 21:10

May 28th, 2012 அன்று பிரசுரிக்கப்பட்டது.

நாளை 12 மணியுடன் ஒட்டுமொத்த மின் சேவையாளர்களும் வீதிக்கு இறங்குவார்கள் என இலங்கை மின் சேவையாளர் சங்கப் பிரதான செயலாளர் ரஞ்சன் ஜலால் தெரிவித்துள்ளார்.

அத்துடன் அரசாங்கத் தரப்பிலிருந்து எவ்வித அழுத்தங்கள் பிரயோகிக்கப்பட்டாலும் இம் முடிவில் எவ்வித மாற்றமும் ஏற்படாது எனவும் அவர் தெரிவித்துள்ளார்.

கால அவகாசம் கொடுத்தும் அரசாங்கம் தமது கோரிக்கைகளை கண்டுகொள்ளாதிருப்பதால் இந்த தொழிற்சங்க நடவடிக்கையை மேற்கொள்ளத் தீர்மானித்ததாக அவர் குறிப்பிட்டார்.

எதிர்வரும் அமைச்சரவை திருத்தத்தில் மின்சக்தி அமைச்சர் மாற்றப்படும் நிலை ஏற்படலாம் எனவும் அதற்கு முன்னர் தமக்கு தீர்வு வழங்கப்பட வேண்டும் எனவும் அவர் கேட்டுக் கொண்டுள்ளார்.

தமது பிரச்சினைகளை தீர்த்துக் கொள்ள ஜனநாயக வழியில் தொழிற்சங்க போராட்டத்தில் ஈடுபடுவதைவிட வேறு வழி தெரியவில்லை என ரஞ்சன் ஜயலால் குறப்பிட்டுள்ளார்.