அமெரிக்க விமானங்கள் பகிஸ்தான் நாட்டில் சரமாரி குண்டு வீச்சு:10 பேர் பலி!

June 4th, 2012 அன்று பிரசுரிக்கப்பட்டது.


தலீபான் மற்றும் அல்கொய்தா தீவிரவாதிகள் அதிகம் வசிக்கும் வசிரிஸ்தான் பகுதியில் அவர்களை ஒடுக்க அமெரிக்கா ராணுவம் தீவிரமாக முயற்சி செய்து வருகிறது.

அவர்களின் நடமாட்டத்தை கவனித்து அடிக்கடி விமானம் மூலம் குண்டுகள் வீசி அழித்து வருகிறது அமெரிக்க ராணுவம். 2 நாட்களுக்கு முன்பு நடைபெற்ற அதிரடித் தாக்குதலில் 2 முக்கிய தீவரவாதிகளின் தளபதிகள் பலியாகினர்.

இந்நிலையில் இறந்த அந்த இரண்டு முக்கியத் தளபதிகளுக்கும் இறுதி அஞ்சலி செய்வதற்காக வசிரிஸ்தானில் உள்ள பார்மால் பகுதியில் ரகசிய இடம் ஒன்றில் தீவிரவாதிகள் ஒன்று கூடினர். இதை அறிந்துகொண்ட அமெரிக்க படை அந்த இடத்தின் மீது விமானங்கள் மூலமும் ராக்கெட் குண்டுகள் மூலமும் சரமாரியாக தாக்குதல் நடத்தினர்.

இதில் அந்த இடமே தீப்பிடித்து பற்றி எரிந்தது. அத்தோடு அங்கு கூடி இருந்த தீவிரவாதிகளில் 10 பேர் கொல்லப்பட்டனர். கொல்லப்பட்ட தீவிரவாதிகளில் ஒருவன் மிகவும் முக்கியமான ஒருவன் என்று தெரியவந்துள்ளது. இது கடந்த 10 நாட்களில் நடைபெறும் 7ஆவது பெரிய தாக்குதல்.

பாகிஸ்தான் எல்லைக்குள் அமெரிக்கா விமானம் குண்டு வீச்சுக்கு எதிர்ப்பு தெரிவிக்கப்பட்டு வருகிறது. என்றாலும் சிகாகோவில் நடந்து முடிந்த மாநாட்டிற்கு பிறகு அமெரிக்கா தனது விமான குண்டு வீச்சை தொடர்ந்து நடத்தி வருகிறது. கடந்த ஜனவரி மாதத்திற்கு பிறகு அமெரிக்க நடத்திய குண்டு வீச்சில் இதுவரை 130 தீவிரவாதிகள் கொல்லப்பட்டு இருக்கிறார்கள்.