விண்ணைத்தொடும் தங்கம் விலை:இன்றும் 224 உயர்வு!

by **mufees** Sat 9 Jun 2012 - 13:35

une 9th, 2012 அன்று பிரசுரிக்கப்பட்டது.

அடிக்கடி சர்வதேச சந்தையில் நிகழும் மாற்றங்களினால் இந்தியாவிலும் தங்கத்தின் விலை ஏறி இறங்கியபடி உள்ளது.

டாலருக்கு நிகரான இந்திய ரூபாயின் மதிப்பு கடந்த சில மாதங்களாக குறைந்து வருகிறது. இதன் காரணமாக தங்கம் விலை உயர்ந்தது. கடந்த வாரம் ஒரு பவுன் தங்கம் விலை ரூ.23 ஆயிரத்தை நெருங்கியது.

ஒரு கிராம் தங்கம் ரூ.3 ஆயிரத்துக்கு வந்து விடும் என்று கூறப்பட்டது. ஏழை, எளிய மக்களை அச்சுறுத்திய தங்கம் விலை உயர்வு இந்த வாரத் தொடக்கத்தில் குறைந்தது. குறிப்பாக கடந்த 2 நாளில் தங்கம் விலையில் பெரும் சரிவு காணப்பட்டது. நேற்று ஒரே நாளில் தங்கம் விலை பவுனுக்கு ரூ.424 குறைந்தது.

சென்னையில் நேற்று ஒரு பவுன் தங்கம் ரூ.22 ஆயிரத்துக்கும் ஒரு கிராம் தங்கம் ரூ.2750-க்கும் விற்பனையானது. 10 நாள் இடைவெளியில் தங்கம் விலை பவுனுக்கு சுமார் ரூ.ஆயிரம் வரை குறைந்ததால் மக்கள் மகிழ்ச்சி அடைந்தனர்.

நகைக்கடைகளிலும் கூட்டம் அதிகரித்தது. ஆனால் அந்த மகிழ்ச்சி இன்று காலை நீடிக்கவில்லை. இன்று காலை ஒரு கிராம் தங்கம் ரூ.2750-ல் இருந்து ரூ.2778 ஆக உயர்ந்தது. கிராமுக்கு ரூ.28 உயர்ந்ததால் ஆபரணத் தங்கம் விலை பவுனுக்கு ரூ.22 ஆயிரத்து 224 ஆக விற்பனையானது.