பாண்டிருப்பில் ஐஸ்கிறீம் உட்கொண்ட 50 பேர் வைத்தியசாலையில்!

June 12th, 2012 அன்று பிரசுரிக்கப்பட்டது.

கல்முனை பாண்டிருப்பில் திருமண நிகழ்வொன்றிலும் பிறந்த தின வைபவமொன்றிலும் ஐஸ்கிறீம் உட்கொண்ட சுமார் 50 பேர் உடல் உபாதைகளுக்குள்ளாகி கல்முனை ஆதார வைத்தியசாலையில் நேற்று மாலை அனுமதிக்கப்பட்டுள்ளதாக கல்முனை பொலிஸார் தெரிவித்தனர்.

இவர்களில் சிறுவர்களும் அடங்குகுகின்றனர். இப்பிரதேசத்திலுள்ள நிறுவனமொன்றிலிருருந்து ஐஸ்கிறீம் கொள்வனவு செய்யப்பட்டதாக தெரிவிக்கப்படுகிறது.

இச்சம்பவம் தொடர்பாக கல்முனை பொலிஸார் விசாரித்து வருகின்றனர்.

கல்முனை ஐஸ்கிறீம் உற்பத்தி நிறுவனத்திற்கு மறு அறிவித்தல் வரை வியாபரத்தடை

கல்முனை பிரதேசத்தில் சுமார் 50 பேரை உடல் உபாதைகளுக்குள்ளாகி வைத்தியசாலையில் அனுதிக்க காரணமாக இருந்த ஐஸ்கிறீம் உற்பத்தி நிறுவனம் மறு அறிவித்தல் வரை வியாபரம் செய்வதற்கு கல்முனை மேயர் சிராஸ் மிராசாஹிப் தடைவிதித்துள்ளார்.

குறித்த ஐஸ் கிறீம் உற்பத்தி நிறுவனத்தை மாநகர ஆணையாளர் ஜே.லியாகத் அலி, பொதுச் சுகாதார பரிசோதகர் ஏ.ஆரியராஜா மற்றும் உணவு மற்றும் மருந்து பொருட்கள் பரிசோதகர் எம்.தஸ்தகீர் ஆகியோருடன் மேயர் சிராஸ் இன்று செவ்வாய்க்கிழமை நேரில் சென்று பார்வையிட்டார்.

இதன்போது, ஐஸ் கிறீம் உற்பத்திக்காக பாவிக்கப்பட்ட பால்மாவின் தரத்தின் காரணமாகவே இவ்விளைவு ஏற்பட்டிருக்கலாம் என உணவு மற்றும் மருந்துப் பொருட்கள் பரிசோதகர் தெரிவித்தார்.

இதனையடுத்து, ஐஸ் கிறீம் உற்பத்தி நிறுவனம் மறுஅறிவித்தல் வரை வியாபரம் செய்வதற்கு மேயர் சிராஸ் தடைவிதித்தார்.

இதேவேளை, குறித்த ஐஸ் கிறீம் உற்பத்தி நிறுவனத்தின் ஐஸ் கீறிமை உட்கொண்டதன் மூலம் உடல் உபாதைகளுக்குள்ளாகிய நிலையில் கல்முனை வைத்தியசாலையில் அனுமதிக்கப்பட்டவர்களை நேரில் சென்று பார்வையிட்ட மேயர் சிராஸ், உடல் ஆரோக்கியம் தொடர்பாக வைத்தியர்களிடமும் கேட்டறிந்துகொண்டார்.