புழுதிப் பூச்சிகளை காதுக்குள் வைத்திருந்த அதிசய நபர்!

by **mufees** Fri 22 Jun 2012 - 14:50

June 22nd, 2012 அன்று பிரசுரிக்கப்பட்டது.

நபரொருவரின் காதில் ஏராளமான புழுதி பூச்சிகள் இருப்பது முதல் முறையாக கண்டறியப்பட்டுள்ளது.

இந்தப் புழுதி பூச்சிகள் அசாத்தியமான முறையில் குறித்த நபரின் காதில் பலுகிப் பெருகியிருந்ததாக அதனை சோதனை செய்த விசேட மருத்துவ நிபுணர்கள் தெரிவித்துள்ளனர்.

காது வலிக்கு சிகிச்சை பெற களுத்துறை நாகொட வைத்தியசாலைக்கு வந்த நபரை பரிசோதனை செய்த போதே அவரது காதில் நூற்றுக் கணக்கான புழுதிப் பூச்சிகள் இருப்பது கண்டறியப்பட்டது.

இப்பூச்சிகள் பொதுவாக புறச்சூழலிலேயே பெருகும் எனவும் முதல் தடவையாக மனித உடலில் அவற்றை மருத்துவர்கள் கண்டறிந்துள்ளதாகவும் மருத்துவ நிபுணர்கள் தெரிவித்துள்ளனர்.

புழுதிப் பூச்சிகள் கையடக்கத் தொலைபேசிகளிலும் இருப்பது பரிசோதனைகளின் மூலம் தெரியவந்துள்ளதாக பொரல்லை மருத்துவ பரிசோதனை ஆய்வு நிலையம் அண்மையில் அறிவித்திருந்தது.

மைடா என்று பெயரிடப்பட்டுள்ள இந்தப் பூச்சிகள் உன்னி வகையைச் சேர்ந்தவை என பொரல்லை மருத்துவ பரிசோதனை ஆய்வு நிலையம் தெரிவித்துள்ளது.
புழுதிப் பூச்சிகளை காதுக்குள் வைத்திருந்த அதிசய நபர்! Ear_290px1-100x100

புழுதிப் பூச்சிகளை காதுக்குள் வைத்திருந்த அதிசய நபர்! Ear_290px1-100x100