கனிமொழியிடம் 2 மணி நேரத்திற்கும் மேல் கிடுக்குப்பிடி விசாரணை: 200கோடி ரூபாய் கடன் விவகாரம்!

by **mufees** Fri 22 Jun 2012 - 14:55

June 22nd, 2012 அன்று பிரசுரிக்கப்பட்டது.

2ஜீ ச்பேக்ட்ரம் ஊழலில் கலைஞர் தொலைக்காட்சிக்கு 200 கோடி ரூபாய்கள் கடன் பெற்றது தொடர்பாக விசாரணைகள் நடைபெற்று வருகிறது.

கடனை கலைஞர் தொலைக்காட்சி ஏற்கனவே திருப்பிக் கொடுத்தது என்றாலும் சி.பி.ஐ. இது தொடர்பாக கனிமொழி எம்.பி. மற்றும் கலைஞர் டி.வி. நிர்வாக இயக்குனராக இருந்த சரத்குமாரை கைது செய்து டெல்லி திகார் ஜெயிலில் அடைத்தது.

கனிமொழியும், சரத்குமாரும் சில மாதங்களுக்கு முன்பு ஜாமீன் பெற்று விடுதலை ஆனார்கள். என்றாலும் சி.பி.ஐ. சிறப்பு நீதிமன்றத்தில் நடந்து வரும் விசாரணையில் ஆஜராகி வருகிறார்கள்.

இந்த நிலையில் கலைஞர் டி.வி. நிறுவனம், ரூ.200 கோடி கடன் பெற்றது தொடர்பான பண பரிமாற்றம் குறித்து மத்திய அமலாக்கப்பிரிவு விசாரித்து வருகிறது. இது தொடர்பான விசாரணைக்கு வருமாறு கனிமொழி எம்.பி.க்கு அமலாக்கப்பிரிவு சம்மன் அனுப்பி இருந்தது.

கனிமொழி எம்.பி. அந்த சம்மனை ஏற்று கடந்த சனிக்கிழமை டெல்லி சென்று அமலாக்கப்பிரிவில் ஆஜரானார். அவரிடம் அமலாக்கப்பிரிவு அதிகாரிகள் விசாரணை நடத்தினார்கள்.

இந்த விசாரணை சுமார் 2 மணி நேரம் நீடித்தது. அப்போது கனிமொழி எம்.பி. தன் தரப்பு விளக்கத்தை உரிய ஆவணங்களுடன் அதிகாரிகளிடம் தெரிவித்ததாக கூறப்படுகிறது. கனிமொழியிடம் 2 மணி நேரத்திற்கும் மேல் கிடுக்குப்பிடி விசாரணை: 200கோடி ரூபாய் கடன் விவகாரம்! Kanimozhi-100x100

கனிமொழியிடம் 2 மணி நேரத்திற்கும் மேல் கிடுக்குப்பிடி விசாரணை: 200கோடி ரூபாய் கடன் விவகாரம்! Kanimozhi-100x100