விஷம் வைத்து பாலஸ்தீன தலைவர் யாசர் அரபாத் கொல்லப்பட்டார்: அதிர்ச்சி தகவல்

உடல்நலக்குறைவு காரணமாக பாலஸ்தீன தலைவர் அரபாத், கடந்த 2004 நவம்பர் 11ம் திகதி மரணமடைந்தார்.
75 வயதாகிய நிலையில் யாசர் அரபாத் உயிரழந்தது உடல் நலக்குறைவு என கருதப்பட்டு வந்த நிலையில் அவரது மனைவி சுஹாவிடம் கொடுக்கப்பட்ட அரபாத்தின் உயிரியல் மாதிரிகளை வைத்து ஆய்வு மேற்கொள்ளப்பட்டது.

சுவிட்சர்லாந்தில் நடந்த இந்த ஆய்வில் அவருக்கு பொலோனியம் என்ற கதிர் வீச்சு கொண்ட கொடிய விஷம் கொடுக்கப்பட்டதாகவும் இதன் காரணமாகவே அவர் மரணமடைந்ததாகவும் அரேபிய ஊடகமான அல்- ஜெசீரா தெரிவித்துள்ளது.

இது குறித்து லாசேன் பல்கலைக்கழகத்தின் கதிர்வீச்சு இயற்பியல் துறை தலைவர் பிரான்காய்ஸ் போசட் கூறியதாவது: யாசர் அரபாத்தின் உயிரியல் மாதிரிகளை ஆய்வு செய்ததில் அதில் குறிப்பிடத்தக்க அளவு பொலோனியம் இருந்தது என்றார்.

அரபாத் இறந்தபோது அவரை இஸ்ரேல் விஷம் வைத்துக் கொன்றுவிட்டதாக பாலஸ்தீன அதிகாரிகள் தெரிவித்தனர்.

ஆனால் அவர் விஷம் வைத்துக் கொல்லப்படவில்லை என்று 2005 ம் ஆண்டு விசாரணை அறிக்கையில் தெரிவிக்கப்பட்டது என்பது குறிப்பிடத்தக்கது.

இஸ்ரேல் மீது குற்றச்சாட்டு: பொலோனியம் என்பது கதிரியக்கத் தனிமம் ஆகும். ஒரு தூசு அளவுக்கு இது உடலில் இருந்தால் கிட்னி, கல்லீரல் பாதிக்கப்பட்டு சில வாரங்களில் உயிர் பிரிந்து விடும்.

மேலும் இந்த கதிரியக்கத் தனிமத்தை சந்தையில் வாங்க முடியாது. அணு உலைகளிலிருந்துதான் பிரித்தெடுக்க முடியும்.

எனவே இந்த பொலோனியத்தை இஸ்ரேல்தான் அராபத்தின் உணவில் கலந்திருக்க வேண்டும் என்று அவரது ஆதரவாளர்கள் கூறுகின்றனர்.

:+:-: :+:-: :#.: