ஆச்சர்யமான மற்றும் சுவாரஸ்யமான தகவல்கள் பகுதி -1

by **ahmad78** Sat 28 Jul 2012 - 17:20

ஆச்சர்யமான மற்றும் சுவாரஸ்யமான தகவல்கள் பகுதி -1

ஆபிரகாம் லிங்கனும் தன்னம்பிக்கையும்

ஆச்சர்யமான மற்றும் சுவாரஸ்யமான தகவல்கள் பகுதி -1 Abrahamlincolns

அமெரிக்காவில் உள்ள ஒரு மாநிலத்தில் உள்ள ஒரு தேவாலயத்தில் பாதிரியார் ஒருவர் "நாம் அனைவரும் சொர்க்கம் செல்வதற்காக தினமும் பிரார்த்தனை செய்ய வேண்டும்" என்று போதனை செய்தார். அவர் தன் உரையை முடித்தவுடன் யாரெல்லாம் சொர்க்கம் செல்ல விரும்புகிறீர்கள் என்று கேட்டார். அனைவரும் கை தூக்கினர், ஒரு ஏழை சிறுவனைத் தவிர.

உடனே அந்த பாதிரியார் அந்த சிறுவனிடம் "தம்பி நீ சொர்க்கம் செல்ல விரும்பவில்லையா ? நரகம் தான் செல்ல விரும்புகிறாயா ?" என்று கேட்டார். அதற்கு அந்த சிறுவன் "சொர்க்கத்தையும் விரும்பவில்லை, நரகத்தையும் விரும்பவில்லை நான் அமெரிக்காவின் ஜனாதிபதியாக விரும்புகிறேன்" என்றான். உடனே கோபம் கொண்ட அந்த பாதிரியார் "இந்த சிறிய வயதில் உன் மனம் கடவுளை விட பதவியைத்தான் விரும்புகிறதா" என்று கூறினார்.

அந்த சிறுவனோ அமைதியாக "இங்கே கருப்பு இன மக்களை நாயை விட கேவலமாக கொடுமையான முறையில் நடத்துகிறார்கள். அவர்களை விடுதலை செய்ய அமெரிக்க ஜனாதிபதி என்ற அதிகாரம் தான் சரியாக இருக்கும்" என்று கூறினான். அவன் சொன்னதோடு மட்டுமல்லாமல் செய்தும் காட்டினான். அந்த சிறுவன் தான் முன்னாள் அமெரிக்க ஜனாதிபதி "ஆபிரகாம் லிங்கன்". செருப்பு தைக்கும் தொழிலாளியின் மகனாக பிறந்து அமெரிக்க ஜனாதிபதியான லிங்கனின் வாழ்க்கை நமக்கு நிச்சயம் தன்னம்பிக்கை ஊட்டுவதாக இருக்கும்.

அடுத்த பதிவில் சந்திப்போம் நன்றி

- ராஜ் குமார்

http://www.atozforfun.com/2012/05/1.html