எனக்கு என் மகள் சித்தி. என் மகளுக்கு நான் மகன்.

by **veel** Thu 18 Oct 2012 - 14:59

ஒரு பெரியவர் ஒரு பைத்தியக்கார ஆஸ்பத்திரிக்கு விஜயம் செய்தார். அங்கு
மரத்தடியில் ஒரு இளைஞன் உட்கார்ந்துகொண்டு எதையோ ஆழ்ந்து சிந்தனை செய்து
கொண்டிருந்தான். இந்தப் பெரியவர் அந்த நபரிடம் சென்று "தம்பி, நீ ஏன் இந்த நிலைக்கு ஆளானாய்?" என்று வினவினார். அதற்கு அந்த இளைஞன்,

"சார்,
நான் ஒரு கைம்பெண்ணைக் காதலித்து கல்யாணம் செய்து கொண்டேன்.
அவளுக்கு
வயது வந்த மகள் ஒருத்தியும் இருந்தாள்.
என் அப்பா என்ன செய்தார்
தெரியுமா?

அந்தப் பெண்ணைக் கல்யாணம் செய்து கொண்டார்.
இதனால் என் மகளே
எனக்கு அம்மாவாகி விட்டாள்.
என் அப்பா தன் மருமகளுக்கு மருமகனாகி
விட்டார்.
என் மனைவிக்கு நான் பேரனும் ஆனேன்.
என் மனைவிக்கு தன் மகளே
மாமியாராகி விட்டாள்.

இந்த
லட்சணத்தில் எனக்கு ஒரு குழந்தை பிறந்தது.
என் குழந்தைக்கு என் அம்மா
சகோதரி ஆனாள்.
அவளே தன தந்தையின் தாயார் என்கிற வகையில் பாட்டியும்
ஆகிறாள்.
என் மகளுக்கு தன் சகோதரியின் கணவர் என்பதால்,
என் அப்பா மாமா
முறையாகிறது.
எனக்கு என் மகள் சித்தி.
என் மகளுக்கு நான் மகன்.

என்னுடைய தாத்தாவும் நானேதான்.

இது
போதாது என்று என் அப்பாவுக்கும் ஒரு குழந்தை பிறந்தது.
அதற்கு நான்
சகோதரன்.
என் மனைவி தன் தாயாரின் தாயார் என்பதால் பாட்டி ஆகிறாள்.

அதனால் நான் தாத்தா முறையும் ஆகிறது.
என் அப்பாவின் குழந்தைக்கு தன்
தாயாரின் சகோதரி என்பதால் என் குழந்தை அதற்கு சித்தி ஆகிறது.
அதே சமயம்
என் குழந்தைக்கு தன் தந்தையின் சகோதரன் என்பதால் என் அப்பாவின் குழந்தை
சித்தப்பா ஆகிறது.
என்னுடைய குழந்தைக்கு நான் தாத்தா ஆனது போல என்
அப்பாவின் குழந்தைக்கும் நான் தாத்தா! அது மட்டுமா?
தன் தாயாருடைய
மாமனாரின் மாமனார் என்று பார்த்தால் என் குழந்தைக்கு நானே கொள்ளுத்தாத்தா!"

என்று சொல்லிவிட்டு

"இப்போது புரிகிறதா சார் நான் ஏன் இங்கு வந்தேன் என்று?"

என்றான். பெரியவர் தலை கிறுகிறுக்க அருகிலிருந்த இன்னொரு மரத்தடியில் அமர்ந்தார்.

வேல்