விஞ்ஞானிகள்: இமயமலையில் பயங்கர நிலநடுக்கம் ஏற்படும்.

இந்தியாவின் வடக்கு எல்லையாக விளங்கும் இமயமலை பகுதியில், பயங்கர நிலநடுக்கம் ஏற்பட அதிக வாய்ப்பு இருப்பதாக விஞ்ஞானிகள் எச்சரித்துள்ளனர்.

இதுகுறித்து கூறிய சிங்கப்பூரை சேர்ந்த நன்யாங் தொழில் நுட்ப பல்கலை கழக விஞ்ஞானிகள் சிலர் பவுல் டாப்பொன்னியர் என்பவர் தலைமையில், இமயமலை பகுதியில் ஆய்வு நடத்தினர்.

இமயமலைப் பகுதியில் அதிக அதிர்வுடன் கடும் நிலநடுக்கம் ஏற்பட வாய்ப்பு இருப்பதாகவும் அது ரிக்டர் அளவில் 8.0 முதல் 8.5 வரை பதிவாகும் என்றும் குறிப்பிட்டுள்ளனர். இதனால், இமயமலை பகுதியை சுற்றியுள்ள இடங்களில் நிலத்தில் பெரும் பிளவுகள் ஏற்படலாம் என்றும் எச்சரித்துள்ளனர்.

ஏற்கனவே இமயமலை பகுதியில், 1897 மற்றும் 1905, 1934, 1950ம் ஆண்டுகளில் பூகம்பம் ஏற்பட்டுள்ளது. அப்போது, ரிக்டர் அளவில் 7.8 முதல் 8.9 வரை பதிவாகியுள்ளது. இருப்பினும், 1934ல் ஏற்பட்ட பூகம்பத்தில் 150 கிலோ மீட்டர் நீளத்திற்கு நிலத்தில் பெரும்பிளவு ஏற்பட்டுள்ளது, குறிப்பாக எவரெஸ்ட் சிகரம் அமைந்த பகுதியாகும் இது.

இந்த பெரும்பிளவு நேபாளத்தில் முக்கியமான ஃபால்ட்டின் ஊடாக ஏற்பட்டுள்ளது. இந்திய துணைக்கண்டமும், ஆசியநிலப்பரப்பு முழுதையும் தாங்கும் இரண்டு டெக்டானிக் பிளேட்டுகளுக்கு இடையேயான எல்லைப்பகுதியை இந்த நேபாள் ஃபால்ட் குறிக்கிறது.

ஆறுகளின் வண்டல் படிவம் மற்றும் நிலச்சரிவினால் ஏற்பட்ட சரிந்த மலைகளின் படிவுகள் ஆகியவற்றை ரேடியோ கார்பனை பயன்படுத்தி, ஆய்வாளர்கள், பூமியில் ஏற்பட்டுள்ள பல்வேறு மாற்றங்களை ஆய்வு செய்துள்ளனர்.
இமயமலைப்பகுதியில் ஏற்பட்ட இரண்டு மிகப்பெரிய பூகம்பங்களினால் ஏற்பட்ட பிளவுகளை சமீபத்தில் கண்டுபிடித்து விட்டோம் என்பதற்காக மக்கள் அலட்சியமாக இருக்க வேண்டியதில்லை என்று விஞ்ஞானி டாப்பனீர் எச்சரித்துள்ளார்.

மேலும், 1897, 1905, 1934, மற்றும் 1950 ஆகிய ஆண்டுகளில் ஏற்பட்ட பூகம்பங்கள் 7.8 மற்றும் 8.9 என்று ரிக்டரில் பதிவாகியுள்ள மிகப்பெரிய பூகம்பங்கள், இது பூமியின் மேல்பகுதியை உடைக்கவில்லை என்று முன்னதாக கருதப்பட்டு வந்தது. இவற்றை குருட்டு பூகம்பங்கள் (Blind Earth Quakes) என்றே பெயரிட்டனர். ஆனால் இதன் விளைவுகளை எந்த வித ஆய்வினாலும் கண்டுபிடிக்கவியலாது.

அச்சமூட்டும் இந்த ஆய்வின் முடிவுகள் நேச்சர் ஜியோசயன்ஸ் இதழில் வெளியாகியுள்ளது.

:,;: :,;: