அழகான பெண்

-
‘சார்..மாடம்பாக்கத்துக்கு எந்த பஸ்ல போகணும்’
-கேட்டவர் ஒரு முதியவர்.
‘டைம் கீப்பர் ஆபிஸ்ல போய்க்கேளுங்க பெரியவரே…’
சொல்லிவிட்டு தான் பொறுப்பேற்றிருந்த வண்டி
ரிவர்ஸ் வருவதற்காக விசில் கொடுத்துக் கொண்டிருந்தார்
கண்டக்டர் சையது.
-
‘சார்…பைவ் பி எங்கே வரும்?’ – கல்லூரி மாணவன்
கேட்டான்.
-
‘படிக்கத் தெரியும் இல்லே..மேல இருக்கற போர்டைப்பாரு!’
சொல்லிவிட்டு பஸ்ஸில் ஏறப்போனார்
-
‘’சார்..இது ராயப்பேட்டை போகுமா?’’ – இந்த முறை
கேட்டது ஓர் அழகான இளம்பெண்.
-
இந்த வண்டி போகாது, ட்வெண்டி ஒன்ல போங்க
அதோ அந்த ஃபிளாட்பார்ம்ல வந்து நிக்கும். ரங்கராஜூ…
இந்தப் பெண்ணுக்கு ட்வெண்டி ஒன் நிக்கற இடத்தைக்
காட்டுப்பா ‘’ – கீழே நின்ற கண்டக்டர் ஒருவரிடம்
சிரத்தையாகச் சொல்லிவிட்டு விசில் கொடுத்தார் சையது.
-
‘அது என்னப்பா…பொண்ணுங்க கேட்டா மட்டும் பொறுமையா
வழி சொல்றே?’’ – ஓட்டுநர் நக்கலாகக் கேட்டார்.
-
‘’என்ன பண்றது?’’ நானும் ஒரு பொண்ணைப் பெத்தவன்.
தனியா நிக்கற எந்தப் பெண்ணைப் பார்த்தாலும் காணாம
போன எம் மகள் ஃபாத்திமா ஞாபகம் வரும்!’’- சையது
கண்கலங்கச் சொன்னார்.
-
டிரைவரின் கற்பனையும் கிண்டலும் சடன் பிரேக்
பிடித்தன.
-
================================
>விசாகப்பிரயன்
நன்றி: குங்குமம்

நல்லாத்தான் இருக்கு இன்னும் எதிர் பார்த்தேன் :pale:

பகிர்விற்கு நன்றி :];:

:];: :];: