உடல் கொழுப்பை குறைக்கும் முத்ரா பயிற்சி

by **rammalar** Wed 16 Jan 2013 - 4:27

உடல் கொழுப்பை குறைக்கும் முத்ரா பயிற்சி Surya_mudra

-
–

உடலில் தேவையற்ற கொழுப்பை எப்படி நீக்குவது?
எந்த வைத்திய முறையை பின்பற்றினால் குறைக்கலாம்?
என்பது பலரின் கேள்வியாகவே உள்ளது.

பெரும்பாலும் நம் உடலில் அதிக கொழுப்பு இருந்தாலே……
தோற்றத்திற்கு குண்டாக காட்சியளிப்போம். எனவே கொழுப்பை
குறைக்க மருத்துவரிடம் செல்வதை விட வீட்டிலேயே எளிய
பயிற்சி மேற்கொள்வதன் மூலம் சுலபமாக கொழுப்பை குறைத்து
விடலாம்.

எளிய பயிற்சி முறை என்பது முத்ரா பயிற்சிதாங்க…….
ஆம் இந்த பயிற்சி மேற்கொள்வதினால் நம் உடலில் தேவையற்ற
கொழுப்பை கொஞ்ச கொஞ்சமாக குறைக்கலாம்.

செய்யும் முறை: மோதிர விரலை மடக்கி வையுங்கள் அதன்மீது
பெருவிரலை வையுங்கள். மற்ற மூன்று விரல்களையும் நிமிர்ந்த
நிலையில் செங்குத்தாக வைத்துக் கொள்ளுங்கள்.

இதை தொடர்ந்து 10-15 நிமிடங்கள் தினமும் செய்யலாம். அதிக
குளிர் தாங்க முடியாத நிலை மற்றும் அடிக்கடி நடுக்கம்
ஏற்படுபவர்களுக்கு இந்த முத்ரா உதவியாக இருக்கும்.

வலுமான வளர்சிதை மாற்றம், அதிக வெப்ப நிலை, அல்சர்,
எண்ணெய் சருமம், முகப்பரு உள்ளவர்கள் சூர்யா முத்ரா பயிற்சி
செய்ய கூடாது.

——————————————–
(படித்ததில் பிடித்தது)